Noo Mian 8:8 - Yn Vible Casherick 1775 1819

⁸ As dreggyr yn centurion, gra, Hiarn, cha vel mee feeu oo dy heet stiagh fo my chlea: agh ynrycan loayr y fockle, as bee my harvaant er ny lheihys.

Yn Conaant Noa 1810

⁸ As dreggyr yn centurion, gra, Hiarn, cha vel mee feeu oo dy heet stiagh fo my chlea: agh ynrycan loayr y fockle, as bee my harvaant er ny lheihys.

Noo Mian 1748

⁸ As dreggyr y captan‐keead gra, Hiarn, Cha vel mee feeu, oo dy heet stiagh fo my chlea: agh ny lomarcan loar y fockle, as bee my er‐mooinjerey er ny leihys.

Noo Mian 8:8 ပူးပေါင်းရင်းမြစ်များ

Genesis 32:10

Cha vel mish feeu jeh’n ayrn sloo jeh ooilley ny myghinyn, as jeh ooilley yn chenjallys ynrick t’ou er hoilshaghey da dty harvaant: son cha row aym agh my lorg tra hie mee harrish yn Jordan shoh, as nish ta mee er jeet dy ve daa heshaght vooar.

Psalmyn 10:17

Brish uss pooar yn vee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddyn.

Psalmyn 107:20

Chur eh magh e ockle, as ren eh ad y lheihys: as v’ad er nyn sauail veih nyn doyrt-mow.

Psalmyn 33:9

Son loayr eh, as ve jeant: hug eh sarey, as hass eh shickyr.

Earrooyn 20:8

Gow’n lorg, as chaggil y pobble cooidjagh, uss as Aaron dty vraar, as loayr-jee rish y chreg kiongoyrt roo, as ver eh magh ushtey, as ver oo daue ushtey ass y chreg: myr shen ver oo ushtey daue hene, as da’n maase oc.

Noo Mian 3:11

Ta mish dy jarroo bashtey shiu lesh ushtey gys arrys: agh t’eshyn ta cheet my yeï ny s’pooaral na mish, ny braagyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mian 3:14

Agh va Ean noi shen, gra, Ta feme aym’s dy ve er my vashtey liort’s, as vel uss cheet hym’s?

Noo Mian 8:3

As heeyn Yeesey magh e laue, as venn eh rish, gra, My aigney’s eh, bee er dty ghlenney. As chelleeragh va’n louraanys echey er ny ghlenney.

Noo Mian 8:7

As dooyrt Yeesey rish, Hig-yms, as nee’m eh y lheihys.

Noo Mian 8:9

Son ta mish mee hene my ghooinney ayns pooar, as sidooryn aym foym: as ta mee gra rish y dooinney shoh, Immee, as t’eh goll: as rish fer elley, Tar, as t’eh cheet: as rish my harvaant, Jean shoh, as t’eh dy yannoo eh.

Noo Luke 15:19

As cha vel mee ny-sodjey feeu dy ve enmyssit dty vac: dell rhym myr rish fer jeh dty harvaantyn failt.

Noo Luke 15:21

As dooyrt y mac rish, Ayr, ta mee er n’yannoo peccah noi niau, as ayns dty hilley’s, as cha vel mee ny-sodjey feeu dy ve enmyssit dty vac.

Noo Luke 5:8

Tra honnick Simon Peddyr shoh, huitt eh sheese ec glioonyn Yeesey, gra, Immee voym, son ta mee my ghooinney peccoil, O Hiarn.

Noo Ean 1:27

Eshyn eh ta cheet my yeï, agh t’er ny hoiaghey roym, kiangley ny braagyn echey cha vel mish feeu dy eaysley.