Noo Mian 7:7 - Yn Vible Casherick 1775 1819

⁷ Yeearree-jee, as yiow shiu: shir-jee, as nee shiu feddyn: cronk-jee, as yiow shiu fosley.

Yn Conaant Noa 1810

⁷ Yeearree‐jee, as yiow shiu: shirjee, as nee shiu feddyn: conkjee, as yiow shiu fosley.

Noo Mian 1748

⁷ ¶ Yearree‐jee, as yiow shiu: shir‐jee as nee shiu feddyn; bee‐jee aignagh fosley gheddyn, as bee eh er ny osley diu.

Noo Mian 7:7 ပူးပေါင်းရင်းမြစ်များ

Genesis 26:32

As haink eh gy-kione yn laa cheddin, dy daink sharvaantyn Isaac, as dinsh ad da my chione y chibbyr v’ad er chleiy; as dooyrt ad rish, Ta shin er gheddyn ushtey.

1 Reeaghyn 3:5

Ayns Gibeon ren y Chiarn eh-hene y hoilshaghey da Solomon ayns ashlish ’syn oie: as dooyrt Jee, Shir cre ver-ym dhyt.

Psalmyn 10:17

Brish uss pooar yn vee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddyn.

Psalmyn 10:4

Ta’n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

Psalmyn 119:12

Bannit t’ou uss, O Hiarn: O ynsee dou dty lattyssyn.

Psalmyn 27:8

Eaisht rish my choraa, O Hiarn, tra ta mee geamagh hood’s: jean myghin orrym, as clasht rhym.

Psalmyn 34:4

Hir mee yn Chiarn ayns padjer, as cheayll eh mee: as ren eh m’y livrey veih ooilley my aggle.

Psalmyn 37:4

Gow taitnys ayns y Chiarn: as ver eh dhyt yeearree dty chree.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 69:32

Nee shoh myrgeddin yn Chiarn y wooiys: ny share na dow lesh eairkyn as yngnyn.

Psalmyn 70:4

Agh lhig dauesyn ooilley ta dy dty hirrey, ve gennal as boggoil aynyd’s: as lhig dauesyn ta graihagh er dty haualtys, dy kinjagh, gra, Dy row moylley gys y Chiarn.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Arrane Solomon 3:2

Irree-ym nish, as hem mygeayrt yn ard-valley trooid ny straïdyn, brie-ym er e hon-syn, shynney lesh my annym, ayns ny raaidyn mooarey: vrie mee er e hon, agh cha dooar mee eh.

Isaiah 30:19

Son nee’n pobble cummal ayns Zion ec Jerusalem; cha jean oo keayney arragh: bee eh feer ghraysoil dhyt ec coraa dty accan; tra nee eh clashtyn eh, nee eh dty reggyrt.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

Amos 5:4

Son shoh myr ta’n Chiarn dy ghra rish thie Israel, Shir-jee hym’s, as bee shiu bio.

Noo Mian 18:19

Reesht ta mee gra riu, my nee jees jiuish coardail er y thalloo ’syn un aghin, bee nyn aghin er ny chooilleeney liorish my Ayr t’ayns niau.

Noo Mian 21:22

As cre-erbee nee shiu geearree ayns padjer, lesh credjue, yiow shiu eh.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Mian 7:11

Shen-y-fa my ta fys euish ta nyn beccee, kys dy choyrt giootyn mie da nyn gloan, cre-woad smoo nee’n Ayr eu t’ayns niau nheeghyn mie y choyrt dauesyn ta jannoo aghin huggey.

Noo Mian 7:8

Son ta dy chooilley unnane ta geearree, geddyn: as y fer ta shirrey feddyn: as dasyn ta cronkal, bee’n dorrys er ny osley.

Noo Mark 11:24

Shen-y-fa ta mee gra riu, Cre-erbee ta shiu dy yeearree ayns padjer, cred-jee dy vow shiu ad, as bee ad eu.

Noo Luke 13:25

Keayrt dy vel mainshter y thie er n’irree, as y dorrys dooint, as dy jean shiuish toshiaght dy hassoo er cheu-mooie, as dy chronkal ec y dorrys, gra, Hiarn, Hiarn, foshil dooin; as freggyree eshyn as jir eh riu, Cha nione dou shiu, cre veih ta shiu:

Noo Luke 18:1

As loayr eh coraa-dorraghey roo, dy lhisagh deiney kinjagh padjer y ghoaill, as gyn ad y ve liastey;

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Noo Ean 15:7

My nee shiu tannaghtyn aynym’s, as my ghoan’s tannaghtyn ayndiuish, shirree shiu cre sailliu, as bee eh jeant er nyn son.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

Romanee 3:11

Cha vel fer erbee ta toiggal, cha vel fer erbee ta shirrey lurg Jee.

Hebrewnee 11:6

Agh fegooish credjue te neu-phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imneagh shirrey huggey.

Jamys 5:15

As nee’n phadjer lesh credjue yn aslayntagh y lheihys, as ver y Chiarn bea sodjey da; as my t’eh er n’yannoo peccah, bee eh er ny leih da.

1 Ean 3:22

As cre-erbee ta shin geearree, shen ta shin geddyn veihsyn, er-y-fa dy vel shin freayll ny annaghyn echey, as jannoo ny reddyn shen ta booisal ayns e hilley.