Noo Mian 7:2 - Yn Vible Casherick 1775 1819

² Son lesh y vriwnys cheddin ta shiuish briwnys, bee shiu hene er nyn mriwnys: as lesh y towse ta shiuish towse, bee eh er ny howse diu reesht.

Yn Conaant Noa 1810

² Son lesh y vriwnys cheddin ta shuish briwnys, bee shiu hene er nyn mriwnys: as lesh y towse ta shiuish towse, bee eh er ny howse diu reesht.

Noo Mian 1748

² Son lesh y vriwnys ta shiu briwnys, bee shiu hene er nyn mriwnys. As lesh y towse ta shiu towse, bee eh er ny howse diu reesht.

Noo Mian 7:2 ပူးပေါင်းရင်းမြစ်များ

2 Samuel 21:5

As dreggyr ad y ree, Yn dooinney va son stroie shin, as kiarail olk nyn ’oï, dy yiarey shin jeh veih cummal ayns veg jeh ardjyn Israel,

Psalmyn 109:17

Choamree eh eh-hene lesh gweeaghyn myr lesh garmad: as hed eh stiagh ayns e vynnagh myr ushtey, as myr ooil ayns e chraueyn.

Exodus 21:24

Sooill son sooill, feeackle son feeackle, laue son laue, kass son kass.

Isaiah 33:1

Smerg dhyt’s ta spooilley, as nagh r’ou hene spooillit; as ta dellal dy molteyragh, as nagh ghell adsyn dy molteyragh rhyt’s! tra nee oo scuirr veih spooilley, bee oo hene er dty spooilley; as tra scuirrys oo veih dellal dy molteyragh, dellee adsyn dy molteyragh rhyt’s.

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 51:24

Agh cooilleen-yms er Babylon roish nyn sooillyn, as er ooilley fir-vaghee Chaldea, ooilley ny huilk t’ad er n’yannoo er Zion, ta’n Chiarn dy ghra.

Obadiah 1:15

Son ta laa yn Chiarn er-gerrey da ooilley ny ashoonee: myr t’ou uss er n’yannoo, bee eh er ny yannoo rhyt, nee dty leagh chyndaa er dty chione hene.

Noo Mian 6:14

Son my leihys shiuish da deiney nyn loghtyn, leihee nyn Ayr flaunyssagh myrgeddin diuish.

Noo Mark 4:24

As dooyrt eh roo, Cur-jee tastey da ny ta shiu dy chlashtyn: lesh y towse ta shiu towse, bee eh er ny howse diu: as diuish ta clashtyn, bee ny smoo er ny choyrt.

Noo Luke 6:38

Jean-jee coyrt, as bee eh er ny choyrt diu; towse mie, jingit sheese, as criht cooidjagh, as roie harrish, ver deiney diu ayns nyn oghrish. Son lesh y towse cheddin ta shiu towse, bee eh er ny howse diu reesht.

2 Corinthianee 9:6

As shoh ta mee dy ghra, Eshyn ta cuirr thanney, nee myrgeddin buinn thanney: as eshyn ta cuirr dy palchey, nee myrgeddin buinn dy palchey.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Ashlish 18:6

Jean-jee ish y chooilleeney eer myr t’eeish er chooilleeney shiuish, as cur-jee dooble jee cordail rish ny obbraghyn eck; ayns y chappan t’ee er lhieeney, lhieen-jee wheesh elley j’ee.

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.

Briwnyn 5:27

Ec ny cassyn eck chroym eh, huitt eh, lhie eh sheese: ec ny cassyn eck chroym eh, huitt eh: raad chroym eh, shen y raad huitt eh sheese marroo.

1 Samuel 15:33

As dooyrt Samuel, Myr ta dty chliwe er n’yannoo mraane gyn cloan, shen myr vees dty voir fegooish cloan mastey mraane. As yiare Samuel Agag ayns peeshyn kiongoyrt rish y Chiarn ayns Gilgal.