Noo Mian 7:12 - Yn Vible Casherick 1775 1819

¹² Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Yn Conaant Noa 1810

¹² Shen‐y‐fa dy chooilley nhee cre‐erbee bailliuish deiney dy yannoo riuish, jean‐jee shiuish y lheid cheddin roosyn: son shoh yn leigh as ny phadeyryn.

Noo Mian 1748

¹² Shen‐y‐fa dy chooilley nee cre‐erbee balliuish deney dy yanoo riuish, jean-jee shiuish myr shen roosyn: son shoh yn leigh as ny phaderyn.

Noo Mian 7:12 ပူးပေါင်းရင်းမြစ်များ

Ezekiel 18:21

Agh my nee yn dooinney mee-chrauee chyndaa veih ooilley ny peccaghyn t’eh er ny ve cur-rish, as freayll ooilley my lattyssyn, as jannoo shen ny ta lowal as jeeragh, bee eh son shickyrys bio, cha vow eh baase.

Leviticus 19:18

Cha gow cooilleeney ec dty laue hene, ny gymmyrkey drogh-aigney erbee noi cloan dty phobble: agh ver oo graih da dty naboo myr dhyt hene: Mish y Chiarn.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 5:17

Ny smooinee-jee dy daink mish dy chur naardey yn leigh as ny phadeyryn: cha nee dy chur naardey haink mee, agh dy chooilleeney.

Noo Luke 6:31

As myr bailliuish deiney dy yannoo riuish, jean-jee shiuish myrgeddin roosyn.

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

Jamys 2:8

My ta shiu cooilleeney yn leigh reeoil, cordail rish y scriptyr, Ver oo graih da dty naboo myr dhyt hene, ta shiu jannoo dy mie.