Noo Mian 6:9 - Yn Vible Casherick 1775 1819

⁹ Shen-y-fa er yn aght shoh gow-jee padjer: Ayr ain t’ayns niau, Casherick dy row dty ennym.

Yn Conaant Noa 1810

⁹ Shen‐y‐fa er yn aght shoh gow‐jee padjer: Ayr ain t’ayns niau, Casherick dy row dty ennym.

Noo Mian 1748

⁹ Er yn aght shoh er‐y‐fa shen gow‐jee padjer: Ayr ainyn t’ayns niau, Casherick dy row dt’ennym.

Noo Mian 6:9 ပူးပေါင်းရင်းမြစ်များ

2 Samuel 7:26

As lhig da dty ennym v’er ny ghloyraghey son dy bragh, gra, Yn Chiarn dy heshaghtyn niau yn Jee harrish Israel: as lhig da thie dty harvaant David v’er ny niartaghey kiongoyrt rhyt.

1 Reeaghyn 8:43

Jean uss clashtyn ayns niau dty ynnyd-vaghee, as jean cordail rish ooilley ny ta’n joarree geearree ort; dy vod ooilley pobble y theihll ve toiggalagh jeh dt’ennym, dy ghoaill aggle royd, myr ta dty phobble Israel; as dy vod fys’ve oc dy vel y thie shoh, ta mish er hroggal, er ny enmys ort.

1 Recortyssyn 17:24

Lhig da eer v’er ny hickyraghey, dy vod dt’ennym v’er ny ghloyraghey son dy bragh, gra, Yn Chiarn dy heshaght-flaunyss ta Jee Israel, eer Jee da Israel: as lhig da thie Ghavid dty harvaant v’er ny hickyraghey kiongoyrt rhyt.

2 Recortyssyn 20:6

As dooyrt eh, O Hiarn Yee nyn ayraghyn, nagh nee uss yn Jee t’ayns niau? as nagh nee uss ta reill harrish ooilley reeriaghtyn ny ashoonee? as ayns dty laue’s nagh vel pooar as niart, myr shen nagh vod unnane erbee shassoo dt’oï?

Nehemiah 9:5

Eisht dooyrt ny Leviteyn, Jeshua, as Kadmiel, Bani, Hashabniah, Sherebiah, Hodijah, Shebaniah, as Pethahiah, Shass-jee seose as bannee-jee yn Chiarn nyn Yee son dy bragh as dy bragh; as bannit dy row dty ennym gloyroil, ta foddey erskyn dy chooilley vannaght as moylley.

Psalmyn 111:9

T’eh er choyrt feaysley da e phobble: t’eh er harey e chonaant son dy bragh; casherick as arrymagh ta’n Ennym echey.

Psalmyn 115:3

Er son y Jee ainyn, t’eh ayns niau: t’eh er n’yannoo myr s’gooidsave lesh.

Psalmyn 72:18

Bannit dy row yn Chiarn Jee, dy jarroo yn Jee dy Israel: ta ny-lomarcan jannoo reddyn yindyssagh.

Isaiah 37:20

Nish er-y-fa shen, O Hiarn nyn Yee, saue shin veih’n laue echey, dy vod ooilley reeriaghtyn ny hooirey toiggal dy nee uss y Chiarn, eer uss dty-lomarcan.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Isaiah 63:16

Shickyr uss yn ayr ain, ga nagh vel toiggal ec Abraham j’in, as nagh vel Israel goaill rooin: uss, O Hiarn, nyn Ayr, nyn Saualtagh, ta dty ennym er-dy-rieau.

Isaiah 64:8

Agh nish, O Hiarn, t’ou uss nyn Ayr: ta shinyn y chray, as uss yn Obbree, as ta shinyn ooilley obbyr dty laueyn.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Ezekiel 36:23

As neem’s my ennym ooasle y chasherickey, shen ny va er ny oltooan mastey ny ashoonee, shen ny va er ny oltooan by-chyndagh riuish ny-vud oc, as bee fys ec ny ashoonee, dy nee mish y Chiarn, ta’n Chiarn Jee dy ghra, tra veem’s er my chasherickey ayndiu, kiongoyrt rish ny sooillyn ocsyn.

Ezekiel 38:23

Myr shoh yioyms ooashley dou hene, as nee’m mee hene y chasherickey, as bee enney orrym’s ayns sooillyn ymmodee ashoonyn, as bee fys ocsyn, dy nee mish y Chiarn.

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Habakkuk 2:14

Son bee yn thalloo er ny lhieeney lesh tushtey gloyr y Chiarn, myr ta ny ushtaghyn coodaghey diunid ny marrey.

Zechariah 14:9

As bee’n Chiarn ny ree harrish y slane seihll: ’sy laa shen vees un Chiarn, as yn ennym echey unnane.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Noo Mian 10:29

Nagh vel daa sparroo er nyn greck son farling? as cha duitt unnane oc marroo er y thalloo fegooish oardagh yn Ayr eu.

Noo Mian 23:9

As ny enmys-jee dooinney erbee ny mast’ eu, Yn ayr; son ta un er ynrycan nyn Ayr, eer eh t’ayns niau.

Noo Mian 26:29

Agh ta mee gra riu, Nagh n’iu-ym maghey shoh jeh mess y villey-feeyney, derrey’n laa iu-ym eh ass-y-noa mêriu ayns reeriaght my Ayrey.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh-ym, fegooish mee dy iu eh, dty aigney’s dy row jeant.

Noo Mian 5:16

Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Mian 5:48

Bee-jee shiuish er-y-fa shen slane ynrick, eer myr ta nyn Ayr t’ayns niau slane ynrick.

Noo Mian 6:14

Son my leihys shiuish da deiney nyn loghtyn, leihee nyn Ayr flaunyssagh myrgeddin diuish.

Noo Mian 6:6

Agh uss, tra t’ou goaill padjer, immee stiagh ayns dty hiamyr; as dooney dty ghorrys, guee gys dty Ayr dy follit, as nee dty Ayr ta fakin ny ta jeant dy follit, leagh y chur dhyt dy foshlit.

Noo Mian 7:11

Shen-y-fa my ta fys euish ta nyn beccee, kys dy choyrt giootyn mie da nyn gloan, cre-woad smoo nee’n Ayr eu t’ayns niau nheeghyn mie y choyrt dauesyn ta jannoo aghin huggey.

Noo Luke 15:18

Trog-ym orrym, as hem roym gys my ayr, as jir-ym rish, Ayr, ta mee er n’yannoo peccah noi niau, as kiongoyrt rhyt’s,

Noo Luke 15:21

As dooyrt y mac rish, Ayr, ta mee er n’yannoo peccah noi niau, as ayns dty hilley’s, as cha vel mee ny-sodjey feeu dy ve enmyssit dty vac.

Noo Luke 2:14

Gloyr dy row gys Jee ayns yn yrjid, as er y thalloo shee, aigney-mie gys deiney.

Noo Ean 20:17

Dooyrt Yeesey r’ee, Ny benn rhym; son cha vel mee foast er gholl seose gys my Ayr; agh gow gys my vraaraghyn, as abbyr roo, Ta mee goll seose gys my Ayr’s as yn Ayr euish, as gys my Yee’s as y Jee euish.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

Galatianee 1:1

Paul ny ostyl (cha nee veih deiney, chamoo liorish dooinney, agh liorish Yeesey Creest, as Jee yn Ayr, ren eshyn y hroggal veih ny merriu.)

Galatianee 4:6

As er-y-fa dy nee mec shiu, ta Jee er choyrt Spyrryd e Vac ayns ny creeaghyn eu, geamagh, Abba, Ayr.

1 Timothy 6:16

Echeysyn ny-lomarcan ta’n vea dy bragh farraghtyn, baghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau-jee earish nyn droailtys ayns shoh ayns aggle:

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 5:12

Gra lesh ard-choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.