Noo Mian 5:9 - Yn Vible Casherick 1775 1819

⁹ Bannit t’adsyn ta tayrn sleih gys shee: son bee ad enmyssit nyn gloan dy Yee.

Yn Conaant Noa 1810

⁹ Bannit t’adsyn ta tayrn sleih gys shee: son bee ad enmyssit nyn gloan dy Yee.

Noo Mian 1748

⁹ Bannit tar adsyn ta tayrn sleih gys shee: Son bee ad enmyssit nyn gloan dy Yee.

Noo Mian 5:9 ပူးပေါင်းရင်းမြစ်များ

1 Recortyssyn 12:17

As hie David magh nyn guail, as dreggyr eh, as dooyrt eh roo, My ta shiu er jeet hym dy sheeoil dy chooney lhiam, bee my chree sniemmit hiu: agh my ta shiu er jeet dy my vrah gys my noidyn, fakin nagh vel aggair ayns my laueyn, dy jean Jee nyn ayraghyn jeeaghyn er, as briwnys.

Psalmyn 120:6

Ta mee streeu son shee, agh cha vel mee ny sleaie loayrt roosyn jeh shen: nagh vel ad jannoo ad-hene aarloo gys caggey.

Psalmyn 34:12

Quoi’n dooinney eh ta aignagh dy ve beayn: as baillish laghyn mie y akin?

Noo Mian 5:45

Dy vod shiu ve cloan nyn Ayr t’ayns niau, son t’eshyn cur er e ghrian girree er mie as sie, as cur fliaghey neose er y vooinjer chairagh as neu-chairagh.

Noo Mian 5:48

Bee-jee shiuish er-y-fa shen slane ynrick, eer myr ta nyn Ayr t’ayns niau slane ynrick.

Noo Luke 20:36

Chamoo oddys ad baase y gheddyn arragh; son t’ad corrym rish ny ainleyn, as nyn gloan dy Yee, liorish dy vel ad cloan yn irree-seose-reesht.

Noo Luke 6:35

Agh cur-jee graih da nyn noidyn, as jean-jee mie, as eeasee-jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er-syrjey: son t’eh dooie da’n vooinjer neu-wooisal as ny mee-chrauee.

Jannoo 7:26

As laa-ny-vairagh haink eh ny-vud oc myr v’ad ec streeu ry-cheilley, as baillish ad y hayrn gys coardail, gra, Gheiney, she braaraghyn shiu; cre’n-fa ta shiu jannoo aggair yn derrey yeh da’n jeh elley?

Romanee 12:18

My oddys eh ve, wheesh as t’ayns nyn booar, jean-jee baghey ayns shee rish dy chooilley ghooinney.

Romanee 8:14

Son whilleen as ta er ny leeideil liorish Spyrryd Yee, t’ad nyn mec dy Yee.

Romanee 8:16

Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee.

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

1 Corinthianee 6:6

Agh ta braar goll gys y leigh rish braar, as shen ny enish ocsyn nagh vel jeh’n chredjue.

2 Corinthianee 13:11

Er-jerrey, vraaraghyn, my vannaght mêriu: Bee-jee er nyn niartaghey dy cheilley, bee-jee er nyn gherjaghey, bee-jee jeh’n un aigney, jean-jee baghey ayns shee; as bee’n Jee dy ghraih as shee mêriu.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee-jee coardit rish Jee.

Galatianee 5:22

Agh ta mess y Spyrryd, graih, boggey, shee, surranse-foddey, ymmyrkey meiygh, mieys, firrinys,

Ephesianee 4:1

Ta mish er-y-fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Philippianee 4:2

Ta mee guee er Euodias, as guee er Syntyche, dy bee ad jeh’n aigney cheddin ayns y Chiarn.

Colossianee 3:13

Gymmyrkey yn derrey yeh lesh y jeh elley, as leih da ’cheilley, my ta dooinney erbee as streeu echey rish fer elley; dy jarroo myr ta Creest er leih diuish, myr shen myrgeddin jean-jee shiuish leih dauesyn.

Hebrewnee 12:14

Eiyr-jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.