Noo Mian 5:7 - Yn Vible Casherick 1775 1819

⁷ Bannit ta’n vooinjer vyghinagh: son bee myghin er ny hoilshaghey daue.

Yn Conaant Noa 1810

⁷ Bannit ta’n vooinjer vyghinagh: son bee myghin er ny hoilshaghey daue.

Noo Mian 1748

⁷ Bannit ta’n vooinjer vyghinagh: Son bee myghin er ny hoilshagh daue.

Noo Mian 5:7 ပူးပေါင်းရင်းမြစ်များ

2 Samuel 17:28

Cur lhieu lhiabbaghyn, as cappanyn, as siyn craie, as curnagh, as oarn, as flooyr, as arroo aarlit, as poanrey, as lhussyn, as arroo greddanit,

2 Samuel 22:26

Da’n dooinney myghinagh nee oo soilshaghey oo-hene myghinagh, as da’n dooinney ynrick nee oo soilshaghey oo-hene ynrick.

Psalmyn 112:4

Da’n dooinney crauee ta soilshey brishey magh ayns y dorraghys: t’eh myghinagh, graihagh, as cairagh.

Psalmyn 112:9

T’eh er skeayley dy lhean, as er choyrt da ny boghtyn: as ta e chairys farraghtyn son dy bragh; bee’n ennym echey er ny hoiaghey seose lesh ooashley.

Psalmyn 18:25

Da’n dooinney casherick nee oo soilshaghey oo hene dy ve [dty Yee] casherick: as da’n dooinney ynrick vees oo ynrick.

Psalmyn 37:26

Ta’n fer-cairagh dy bragh myghinagh, as geeasaght: as ta e luight er ny vannaghey.

Raaghyn Creeney 11:17

Ta’n dooinney myghinagh jannoo mie da’n annym echey hene, agh ta’n dooinney dewil tayrn seaghyn er e chorp hene.

Raaghyn Creeney 11:25

Bee’n dooinney feoiltagh jeant magh lesh sonnys, as eshyn ta gushtaghey, bee eh-hene er ny ooraghey.

Raaghyn Creeney 14:21

Eshyn ta soiaghey beg jeh e naboo, t’eh jannoo peccah: agh eh ta chymmoil er ny boghtyn s’maynrey t’eh.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Isaiah 57:1

Ta’n dooinney cairal cherraghtyn, as cha vel dooinney erbee goaill eh gys e chree; as ta deiney giastyllagh goit ersooyl, gyn fer erbee smooinaghtyn dy vel yn dooinney ynrick goit ersooyl veih’n olk ta ry-heet.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Hosea 1:6

As ren ee gientyn reesht, as gymmyrkey inneen; as dooyrt Jee rish, Enmys ee Lo-ruhamah: son cha bee ny-sodjey myghin aym er thie Israel; agh nee’m dy bollagh ad y astyrt.

Hosea 2:1

Abbyr-jee rish nyn mraaraghyn, Ammi, as rish nyn shayraghyn, Ru-hamah.

Hosea 2:23

As cuirr-ym ee dou hene ’sy thalloo; as bee myghin aym urreeish, nagh row er chosney myghin: as jir-ym roosyn nagh vel my phobble, T’ou uss my phobble: as jir adsyn, T’ou uss my Yee.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Noo Mark 11:25

As tra vees shiu shassoo dy ghoaill padjer, leih-jee, my ta nhee erbee eu noi dooinney erbee: dy vod nyn Ayr myrgeddin t’ayns niau nyn loghtyn y leih diuish.

Noo Luke 6:35

Agh cur-jee graih da nyn noidyn, as jean-jee mie, as eeasee-jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er-syrjey: son t’eh dooie da’n vooinjer neu-wooisal as ny mee-chrauee.

Romanee 11:30

Son myr nagh vel shiuish ayns y traa t’er n’gholl shaghey er choyrt biallys da Jee, ta shiu nish er chosney myghin trooid y vee-viallys ocsyn:

1 Corinthianee 7:25

Nish mychione moidynyn, cha vel sarey erbee aym veih’n Chiarn: ny-yeih ta mee livrey my smooinaghtyn hene, myr fer ta er gheddyn foayr veih yn Chiarn dy ve firrinagh.

2 Corinthianee 4:1

Fakin er-y-fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

Ephesianee 4:32

As bee-jee dooie yn derrey yeh da’n jeh elley, meiygh-chreeagh, leih da y cheilley dy jarroo myr ta Jee son graih Chreest er leih diuish.

Colossianee 3:12

Cur-jee erriu er-y-fa shen (myr cloan reiht Yee, casherick as graihagh) meeaghyn dy vyghin, kenjallys, injillid-aigney, meenid, surranse-foddey;

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er-yn-oyr dy ren mee eh dy neu-hushtagh, ayns mee-chredjue:

1 Timothy 1:16

Ny-yeih, er-yn-oyr shoh hooar mee myghin, aynym’s dy voddagh Yeesey Creest hoshiaght soilshaghey magh dy chooilley hurranse-foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

Hebrewnee 4:16

Lhig dooin er-y-fa shen cheet lesh dunnallys gys stoyl-reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu-chorrymid, as fegooish craueeaght-oalsey.

1 Peddyr 2:10

Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.