Noo Mian 5:6 - Yn Vible Casherick 1775 1819

⁶ Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Yn Conaant Noa 1810

⁶ Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Noo Mian 1748

⁶ Bannit tar adsyn ta accryssagh as paagh lurg cairys: Son bee ad er nyn nianoo magh.

Noo Mian 5:6 ပူးပေါင်းရင်းမြစ်များ

Psalmyn 107:9

Son t’eh jannoo magh yn annym follym: as lhieeney yn annym accryssagh lesh mieys;

Psalmyn 145:19

Cooilleenee eshyn yn yeearree ocsyn ta goaill aggle roish: clynnee eh myrgeddin yn eam oc, as cooinee eh lhieu.

Psalmyn 17:15

Ta cloan oc lurg nyn aigney: as t’ad faagail ny ta er-mayrn jeh nyn merchys da nyn luight.

Psalmyn 63:5

Choud’s vee’m bio ver-ym ard-voylley dhyt er yn aght shoh: as trog-ym seose my laueyn ayns dt’ennym.

Psalmyn 65:4

Bannit ta’n dooinney t’ou uss dy reih, as dy ghoaill hood hene: nee eh baghey ayns dty chooyrt, as bee eh jeant magh lesh eunyssyn dty hie, dy jarroo dy dty hiamble casherick.

Psalmyn 84:2

Ta m’annym geearree as goaill foddeeaght dy gholl stiagh ayns cooyrtyn y Chiarn: ta my chree as m’eill goaill boggey ayns y Jee bio.

Raaghyn Creeney 10:24

Berree aggle y vee-chrauee er: agh bee yeearree yn er-cairagh jeant magh.

Raaghyn Creeney 21:21

Eshyn eiyrys er cairys as myghin, yiow eh bea, ynrickys, as ooashley.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Isaiah 25:6

As er y clieau shoh nee Chiarn ny flaunyssee gaarlaghey son dy chooilley phobble cuirraghyn sonney, gien feeyn er y drundin, dy vee roauyr lane smuir, dy feeyn sheelit dy glen jeh’n drundin.

Isaiah 41:17

Tra ta’n boght as yn ymmyrchagh gannooinaghey son ushtey, as nagh vel veg ry-gheddyn, as nyn jengey sponkit lesh paays, mish y Chiarn ver couyr daue, mish Jee Israel nagh jean treigeil ad.

Isaiah 44:3

Son ver-yms magh ushtey er e hon-syn ta paagh, as thooillaghyn er y thalloo chirrym; nee’m my Spyrryd y gheayrtey magh er dty luight, as my vannaght er cloan dty chlienney:

Isaiah 65:13

Shen-y-fa shoh myr ta’n Chiarn dy ghra, Cur-my-ner, nee my harvaantyn gee, agh bee shiuish accryssagh: cur-my-ner, nee my harvaantyn giu, agh bee shiuish paagh: cur-my-ner, nee my harvaantyn goaill boggey, agh bee shiuish fo nearey:

Isaiah 66:11

Dy vod shiu jiole, as ve jeant magh lesh keeaghyn yn gherjagh eck; dy vod shiu blieauin, as goaill nyn soylley ayns ymmodee e gloyr.

Jeremiah 31:25

Son ta mee er ooraghey yn annym tooillit, as ta mee er gherjaghey yn annym trimshagh.

Noo Luke 1:53

T’eh er lhieeney ny accryssee lesh reddyn mie, as ny berchee t’eh er chur follym ersooyl.

Noo Luke 6:21

Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

Noo Luke 6:25

Smerg diuish ta lane: son bee shiu accryssagh. Smerg diuish ta garaghtee nish: son nee shiu dobberan as keayney.

Noo Ean 4:14

Agh quoi-erbee iu-ys jeh’n ushtey ver-yms da, cha bee eh dy bragh paagh: agh bee yn ushtey ver-ym da ny farrane ushtey ayn nee geill gys y vea ta dy bragh farraghtyn.

Noo Ean 6:27

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Noo Ean 7:37

Er y laa s’jerree, laa mooar ny feailley, hass Yeesey, as deïe eh, gra, My ta dooinney erbee paagh, lhig da cheet hym’s as giu.

Ashlish 7:16

Cha bee ad accryssagh arragh, chamoo vees ad arragh paagh, chamoo huittys niart ny greïney orroo, ny chiass loshtee erbee.