Noo Mian 5:34 - Yn Vible Casherick 1775 1819

³⁴ Agh ta mish gra riu, Ny loo-jee er aght erbee; edyr liorish niau, son she stoyl-reeoil Yee eh:

Yn Conaant Noa 1810

³⁴ Agh ta mish gra riu, Ny loo‐jee er aght erbee; edyr liorish niau, son she stoyl‐reeoil Yee eh:

Noo Mian 1748

³⁴ Agh ta mish gra riu, Ny loo‐jee er aght erbee, edyr liorish Niau, son she stoyl‐reeoil Yee eh:

Noo Mian 5:34 ပူးပေါင်းရင်းမြစ်များ

Psalmyn 11:4

Ta’n Chiarn ayns e hiamble casherick: ta stoyl-reeoil y Chiarn ayns niau.

Ecclesiastes 9:2

Ta dy chooilley nhee cheet co-laik er ooilley: ta’n un red taghyrt er yn ynrick, as er y neu-ynrick; er mie as sie; er y ghlen, as y neu-ghlen; ersyn ta ouralley, as ersyn nagh vel ouralley: myr ta’n dooinney mie, myr shen ta’n drogh-yantagh; as eshyn ta loo, myr eshyn ta ayns ammys e loo.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jannoo 7:49

Niau my stoyl-reeoil, as y thalloo stoyl my choshey: cre’n thie hroggys shiu dooys? ta’n Chiarn gra: ny cre vel ynnyd my haaue?

Jamys 5:12

Agh erskyn ooilley, my vraaraghyn, ny jean-jee loo, chamoo liorish niau, ny liorish y thalloo, ny liorish loo erbee elley: agh lhig da’n ghlare eu ve she, she, as cha nee, cha nee; er-aggle dy duitt shiu fo briwnys.