Noo Mian 4:7 - Yn Vible Casherick 1775 1819

⁷ Dooyrt Yeesey rish, Te scruit myrgeddin, Cha jean oo yn Chiarn dty Yee y violaghey.

Yn Conaant Noa 1810

⁷ Dooyrt Yeesey rish, Te scruit myrgeddin, Cha jean oo yn Chiarn dty Yee y violaghey.

Noo Mian 1748

⁷ Doort Yeesey rish, Te scruit reesht, Cha jean oo yn Chiarn dty Yee y violagh.

Noo Mian 4:7 ပူးပေါင်းရင်းမြစ်များ

Psalmyn 106:14

Agh hug ad raad da yeearreeyn mee-reiltagh ayns yn aasagh: as ayns cheer gyn ushtey ren ad Jee y vrasnaghey.

Psalmyn 78:18

Ny-yeih son shoh as ooilley hie ad ny sodjey er nyn doshiaght ayns peccah n’oï: as ren ad yn fer smoo syrjey y vrasnaghey ’syn aasagh.

Psalmyn 78:41

Shimmey keayrt ren ad eh y vrasnaghey ’syn aasagh: as eh y heaghney ’sy chaitnys ghennish.

Psalmyn 78:56

Hilg eh magh ny ashoonyn-quaagh myrgeddin kiongoyrt roo: hug eh er y cheer oc dy ve er ny rheynn ny mast’ oc son eiraght, as hug eh er sheelogheyn Israel dy chummal ayns ny cabbaneyn oc.

Psalmyn 95:9

Tra ren ny ayraghyn eu mish y vrasnaghey: phrow ad mee, as honnick ad m’obbraghyn.

Exodus 17:2

As ren y pobble troiddey rish Moses, as dooyrt ad, Cur dooin ushtey dy iu. As dooyrt Moses roo, Cre’n-fa ta shiu troiddey rhym’s? cre’n-fa ta shiu brasnaghey’n Chiarn.

Exodus 17:7

As denmys eh yn ynnyd, Massah as Meribah, er coontey anvea chloan Israel, as son dy ren ad brasnaghey’n Chiarn, gra, Vel y Chiarn ny mast’ ain, mannagh vel?

Isaiah 8:20

Shir-jee gys y leigh as gys y recortys: mannagh vel ad loayrt cordail rish yn goo shoh, te er-yn-oyr nagh vel veg y toilshey ayndoo.

Malachi 3:15

As nish ta shin genmys ny mooaralee maynrey: dy jarroo ta adsyn, ta cur rish drogh-yannoo, er ny hoiaghey seose, dy jarroo ta adsyn, ta brasnaghey Jee, er ny livrey.

Earrooyn 14:22

Er son ooilley ny deiney shen t’er vakin my ghloyr, as my virrilyn ren mee ayns Egypt, as ayns yn aasagh, as t’er m’y vrasnaghey nish ny jeih keayrtyn shoh, as nagh vel er n’eaishtagh rish my choraa;

Noo Mian 21:16

As dooyrt ad rish, Vel oo clashtyn cre t’ad shoh dy ghra? Dooyrt Yeesey roo, Ta mee; nagh lhaih shiuish rieau, Magh ass beïll oikanyn as cloan er y cheeagh t’ou er gheddyn moylley firrinagh?

Noo Mian 21:42

Dooyrt Yeesey roo, Nagh lhaih shiu rieau ayns goo Yee, Yn chlagh ren ny masoonee y vee-lowal, ta’n chlagh cheddin er jeet dy ve yn ard-chlagh chorneilagh: shoh jannoo yn Chiarn, as te yindyssagh ayns ny sooillyn ainyn?

Noo Mian 4:10

Eisht dooyrt Yeesey rish, Ass my enish oo, Noid-ny-hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Mian 4:4

Agh dreggyr eshyn, gra, Te scruit, Cha nee liorish arran ny-lomarcan nee dooinney beaghey, agh liorish dy chooilley ockle ta cheet magh ass beeal Yee.

Noo Luke 4:12

As dreggyr Yeesey as dooyrt eh rish, Te er ny ghra, Cha jean oo daanys er y Chiarn dty Yee.

Jannoo 15:10

Kys er-y-fa shen dy vel shiu nish brasnaghey Jee, liorish quing y choyrt er mwannal ny Creesteenyn, nagh row ec ny ayraghyn ain, ny ain hene yn niart dy ymmyrkey?

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er-chee dy yannoo molteyrys er Spyrryd y Chiarn? cur-my-ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

1 Corinthianee 10:9

Chamoo lhig dooin Creest y vrasnaghey, myr ren paart jeusyn myrgeddin brasnaghey, as v’ad er nyn stroie liorish ard-nieughyn.

Deuteronomy 6:16

Cha jean shiu yn Chiarn nyn Yee y vrasnaghey myr ren shiu ayns Massah.

Hebrewnee 3:9

Tra ren ny ayraghyn eu mish y vrasnaghey, phrow ad mee, as honnick ad m’obbraghyn da-eed bleïn.