Noo Mian 4:5 - Yn Vible Casherick 1775 1819

⁵ Eisht ghow y drogh-spyrryd lesh seose eh gys yn ard-valley casherick, as hoie eh eh er beinn toor syrjey yn chiamble,

Yn Conaant Noa 1810

⁵ Eisht ghow y drogh spyrryd lesh seose eh gys yn ard‐valley casherick, as hoie eh eh er beinn toor syrjey yn chiamble,

Noo Mian 1748

⁵ Eisht hug y drogh spyrryd lesh e gys yn ard‐valley casherick, as hoie e e, er eer‐vullagh y chiamble,

Noo Mian 4:5 ပူးပေါင်းရင်းမြစ်များ

2 Recortyssyn 3:4

As va lhiurid y phorch v’er eddin y thie feed cubit, cordail rish lheead y thie, as va’n yrjid shey-feed: as choodee eh eh harrish er cheu-sthie lesh glen airh.

Nehemiah 11:1

As va fir-reill y pobble cummal ayns Jerusalem: hilg yn chooid elley jeh’n pobble lottyn, dy chur lhieu dy chooilley yeihoo ghooinney dy vaghey ayns Jerusalem yn ard-valley casherick, as nuy ayrnyn dy vaghey ayns ny ard-valjyn elley.

Nehemiah 11:18

Va ooilley ny Leviteyn, ’syn ard-valley casherick, daa cheead kiare-feed as kiare.

Isaiah 48:2

Son t’ad genmys ad-hene lurg yn ard-valley casherick, as coyrt nyn marrant er Jee Israel; Chiarn ny flaunyssee e ennym.

Isaiah 52:1

Dooisht oo, dooisht oo; cur mood dty niart, O Zion; cur mood dty gharmadyn aalin, O Yerusalem, yn ard-valley casherick: veih shoh magh cha jig ny smoo stiagh aynyd’s ny chymmyltee as y neu-ghlen.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Daniel 9:24

Ta three-feed shiaghtinyn as jeih kiarit er dty phobble, as er dty ard-valley casherick, dy lhiettal mee-chraueeaght, as dy choyrt jerrey er peccah, as dy yannoo lhiasaghey son mee-chairys, as dy choyrt lesh stiagh ynrickys dy bragh farraghtyn, as dy sealal seose yn ashlish, as y phadeyrys, as dy ooilaghey yn er smoo casherick.

Noo Mian 27:53

As cheet ass ny oaiaghyn oc lurg yn irree-seose-reesht echey, hie ad stiagh ayns yn ard-valley casherick, as hoilshee ad ad-hene da ymmodee.

Noo Luke 4:9

As hug eh lesh eh gys Jerusalem, as hoie eh eh er beinn toor syrjey yn chiamble, as dooyrt eh rish, My she Mac Yee oo, tilg oo hene sheese veih shoh.

Noo Ean 19:11

Dreggyr Yeesey, Cha voddagh pooar erbee y ve ayd harrym’s, mannagh beagh eh er ny choyrt dhyt veih’n yrjid; shen-y-fa ta peccah smoo lhie ersyn ren m’y livrey hood.

Ashlish 11:2

Agh y chooyrt ta cheu-mooie jeh’n chiamble, faag voïd eh, as ny towse eh; son te er ny choyrt da ny Ashoonee: as yn ard-valley casherick stampee ad fo-chosh daa vee as da-eed.