Noo Mian 4:1 - Yn Vible Casherick 1775 1819

¹ Eisht va Yeesey er ny leeideil liorish Spyrryd Yee gys yn aasagh, dy v’er ny violaghey liorish y drogh-spyrryd.

Yn Conaant Noa 1810

¹ Eisht va Yeesey er ny leeideil liorish Spyrryd Yee gys yn aasagh, dy v’er ny violaghey liorish y drogh‐spyrryd.

Noo Mian 1748

¹ Eisht va Yeesey er ny leedeil liorish spyrryd Yee gys yn aasagh, dy ve’r ny violagh liorish y drogh spyrryd.

Noo Mian 4:1 ပူးပေါင်းရင်းမြစ်များ

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

1 Reeaghyn 18:12

As hig eh gy-kione, cha beem’s ny s’leah er dty aagail, agh dy jean Spyrryd y Chiarn lesh oo cha vel fys cre’n raad; as myr shen tra hig-ym dy insh da Ahab, as nagh bee oo ry-gheddyn, nee eh mish y varroo: agh ta mish dty harvaant er ve ayns aggle y Chiarn veih my aegid.

2 Reeaghyn 2:16

As dooyrt ad rish, Cur-my-ner nish, ta nish marish dty harvaantyn jeih as da-eed dy gheiney trean; lhig daue goll, ta shin guee ort, as shirrey son dty vainshtyr; hoiggal dy vel Spyrryd y Chiarn er hroggal seose eh, as er cheau eh er slieau ny ayns coan ennagh. As dooyrt eh, Cha lhiass daue goll.

Ezekiel 11:1

Ny-sodjey, hrog y spyrryd mee seose, as hug eh lesh mee gys giat shiar thie yn Chiarn, ta jeeaghyn lesh y niar: as cur-my-ner, ec dorrys y yiat queig deiney as feed; nyn mastey honnick mee Jaazaniah mac Azur, as Pelatiah mac Venaiah, ard-gheiney yn phobble.

Ezekiel 11:24

Ny lurg shoh ghow yn spyrryd mee seose, as hrog eh lesh mee ayns ashlish, liorish spyrryd Yee, gys Caldea, hucsyn jeh’n chappeeys: shoh myr hie yn ashlish va mee er vakin seose voym.

Ezekiel 3:12

Eisht hrog yn spyrryd seose mee, as cheayll mee my chooylloo sheean tharmane mooar, gra, Bannit dy row gloyr y Chiarn veih e ynnyd hene.

Ezekiel 3:14

Myr shen hrog y spyrryd mee seose, as ghow eh mee ersooyl, as hie mee ayns sou-aigney, as bree my spyrryd, agh va laue yn Chiarn niartal orrym.

Ezekiel 40:2

Ayns ashlishyn Yee hug eh lesh mee gys thalloo Israel, as lhig eh sheese mee er slieau feer ard, er-gerrey da shen va cummey dy ard-valley er y jiass.

Ezekiel 43:5

Myr shen hrog y spyrryd seose mee, as hug eh lesh mee stiagh ’sy chooyrt sodjey stiagh, as cur-my-ner ren gloyr y Chiarn lhieeney yn thie.

Ezekiel 8:3

As heeyn eh magh cummey jeh laue, as ghow eh mee er skeog my ching, as hrog yn spyrryd mee seose eddyr y thalloo as yn aer, as hug eh lesh mee ayns ashlishyn Yee gys Jerusalem, gys dorrys yn yiat sodjey stiagh, ta jeeaghyn lesh y twoaie, raad va stoyl yn jalloo dy eadolys, ta dy vrasnaghey gys eadolys.

Noo Ean 14:30

Veih shoh magh cha loayr-ym cooid vooar riu: son ta prince y theihll shoh cheet, as cha vel nhee erbee echey aynym’s.

Jannoo 8:39

As tra v’ad er jeet seose ass yn ushtey, hrog Spyrryd y Chiarn lesh Philip ersooyl nagh vaik yn eunuch eh arragh: as hie eh er y raad goaill boggey.

Romanee 8:14

Son whilleen as ta er ny leeideil liorish Spyrryd Yee, t’ad nyn mec dy Yee.

Hebrewnee 2:18

Son myr v’eh hene er ny phrowal liorish surranse, t’eh pooaral dy niartaghey lhieusyn t’er nyn browal [lesh seaghyn.]

Jamys 1:14

Agh ta dagh dooinney miolit, tra t’eh er ny hayrn ersooyl liorish e haynt hene, as cleaynit.