Noo Mian 3:6 - Yn Vible Casherick 1775 1819

⁶ As goaill-rish nyn beccaghyn v’ad er nyn mashtey liorish ayns Jordan.

Yn Conaant Noa 1810

⁶ As goaill‐rish ny beccaghyn v’ad er nyn mashtey liorish ayns Jordan.

Noo Mian 1748

⁶ As va’d er nyn mashtey liorish ayns Jordan, goall rish nyn beccaghyn.

Noo Mian 3:6 ပူးပေါင်းရင်းမြစ်များ

Ezra 10:1

Nish, lurg da Ezra v’er ghoaill padjer, as er ghoaill rish yn peccah shoh, dobberan, as lhie er y thalloo, kiongoyrt rish thie Yee, haggil huggey ass Israel sheshaght feer vooar dy gheiney, as mraane, as cloan: son ren y pobble keayney dy sharroo.

Psalmyn 32:5

Goym rish my pheccah hood’s: as my neu-chairys cha vel mee er cheiltyn.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Ezekiel 36:25

Eisht spreih-yms shiu lesh ushtey glen, as bee shiu er nyn ghlenney veih ooilley nyn mroïd, as veih ooilley ny jallooyn eu neem’s shiuish y ghlenney.

Daniel 9:4

As ghow mee padjer gys y Chiarn my Yee, as ghow mee rish my pheccaghyn, as dooyrt mee, O Hiarn, y Jee mooar as atchimagh, freayll y conaant as myghin ny chour ocsyn ta graihagh er, as nyn gour-syn ta freayll e annaghyn:

Leviticus 16:21

As ver Aaron e ghaa laue er kione y ghoayr bio, as harrishyn goaill-rish ooilley peccaghyn chloan Israel, as ooilley nyn loghtyn ayns ooilley nyn voiljyn, coyrt ad er kione y ghoayr; as ver eh ersooyl eh liorish laue dooinney treishteilagh, gys yn aasagh.

Leviticus 26:40

My nee ad goaill-rish nyn beccaghyn, as peccaghyn nyn ayraghyn, marish ny loghtyn t’ad er n’yannoo m’oï, as myrgeddin dy vel ad er n’irree magh m’oï;

Earrooyn 5:7

Eisht nee eh goaill-rish e pheccah, t’eh er n’yannoo: as nee eh slane cooilleeney yannoo son yn assee, as ver eh huggey yn wheiggoo ayrn jeh, as ver eh shoh dasyn t’eh er n’yannoo aggair da.

Noo Mian 3:11

Ta mish dy jarroo bashtey shiu lesh ushtey gys arrys: agh t’eshyn ta cheet my yeï ny s’pooaral na mish, ny braagyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mark 1:5

As hie magh huggey ooilley cheer Yudea as cummaltee Yerusalem, as v’ad ooilley er nyn mashtey liorish ayns awin Yordan, goaill-rish nyn beccaghyn.

Noo Luke 1:16

As ymmodee jeh cloan Israel nee eh y hyndaa gys y Chiarn y Jee oc.

Noo Luke 3:16

Dreggyr Ean as dooyrt eh roo ooilley, Ta mish dy jarroo bashtey shiu lesh ushtey; agh ta fer s’pooaral na mish cheet, kiangley ny braagyn echey cha vel mee feeu dy eaysley: nee eshyn shiu y vashtey lesh y Spyrryd Noo, as lesh aile.

Jannoo 1:5

Son ren Ean dy firrinagh bashtey lesh ushtey; agh bee shiuish ayns traa gerrit er nyn mashtey lesh y Spyrryd Noo.

Jannoo 11:16

Eisht chooinee mee er goo yn Chiarn kys dooyrt eh, Ren Ean dy jarroo bashtey lesh ushtey; agh bee shiuish er nyn mashtey lesh y Spyrryd Noo.

Jannoo 19:18

As haink ymmodee jeusyn v’er chredjal, as ghow ad rish, as hoilshee ad magh nyn obbraghyn.

Jannoo 22:16

As nish cre’n-fa t’ou lhiggey shaghey? irree as bee er dty vashtey, as niee ersooyl dty pheccaghyn, geamagh er ennym y Chiarn.

1 Corinthianee 10:2

As v’ad ooilley bashtit gys Moses ayns y vodjal, as ayns yn aarkey;

Colossianee 2:12

Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

Hebrewnee 6:2

Jeh’n ynsagh mychione bashtey, ny jeh goll fo laueyn, as jeh irree-seose-reesht ny merriu, as jeh briwnys dy bragh farraghtyn.

Hebrewnee 9:10

Yn chirveish cheddin va shassoo ny-lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

Joshua 7:19

As dooyrt Joshua rish Achan, My vac, cur, ta mee guee ort, gloyr da’n Chiarn Jee Israel, as gow-rish dty loght huggeysyn; as insh dooys nish cre t’ou er n’yannoo, ny keill voym eh.

1 Peddyr 3:21

Yn co-soylaghey jeh shoh, dy jarroo bashtey, ta nish myrgeddin sauail shin, (cha nee liorish cur ersooyl broïd yn eill, agh liorish yn ansoor dy chooinsheanse vie gys Jee,) trooid irree-seose-reesht Yeesey Creest:

1 Ean 1:9

My ta shin goaill-rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu-ynrickys.