Noo Mian 3:16 - Yn Vible Casherick 1775 1819

¹⁶ As lurg da Yeesey ve bashtit, hie eh seose jeeragh ass yn ushtey: as cur-my-ner va ny niaughyn er nyn vosley er-e-skyn, as honnick eh Spyrryd Yee cheet neose myr calmane, as soie er.

Yn Conaant Noa 1810

¹⁶ As lurg da Yeesey ve bashtit, hie eh seose jeeragh ass yn ushtey: as cur‐my‐ner va ny niaughyn er nyn vosley er‐e‐skyn, as honnick eh Spyrryd Yee cheet neose myr calmane, as soie er.

Noo Mian 1748

¹⁶ As hie Yeesey, tra ve’r ny vashtey, seose chelleeragh ass yn ushtey: as cur‐my‐ner va ny Niaughyn er nyn vosley er e skyn, as honnick e spyrryd Yee cheet neose goll rish calmane, as soie er.

Noo Mian 3:16 ပူးပေါင်းရင်းမြစ်များ

Isaiah 11:2

As nee Spyrryd y Chiarn tannaghtyn ersyn, spyrryd dy chreenaght as dy hoiggal, spyrryd dy choyrle as dy niart, spyrryd dy hushtey as dy aggle y Chiarn;

Noo Mark 1:10

As jeeragh myr haink eh seose ass yn ushtey, honnick eh ny niaughyn foshlit, as y Spyrryd myr calmane cheet neose er.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Jannoo 7:56

As dooyrt eh, Cur-my-ner, hee-ym ny niaughyn foshlit, as Mac y dooinney ny hassoo er laue yesh Yee.

Ezekiel 1:1

Nish haink eh gy-kione ayns y jeihoo vleïn as feed, ayns y chiarroo vee, er y wheiggoo laa jeh’n vee, (myr va mee mastey ny cappeeyn, liorish awin Chebar) dy row ny niaughyn foshlit, as honnick mee ashlishyn Yee.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Isaiah 59:21

As er my hon hene, shoh my chonaant roosyn, ta’n Chiarn dy ghra; Yn Spyrryd aym’s ta ort’s, as my ghoan’s ta mee er choyrt ayns dty veeal, cha jean ad failleil veih dty veeal, ny veih beeal dty luight, ny veih beeal cloan dty chlienney, ta’n Chiarn dy ghra, veih maghey shoh as er son dy bragh.

Noo Ean 1:51

As dooyrt eh rish, Dy firrinagh firrinagh ta mee gra riu, Ny lurg shoh hee shiu niau foshlit, as ainleyn Yee goll seose as cheet neose er Mac y dooinney.

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree-seose-reesht echey.

1 Ean 5:6

Shoh eshyn haink liorish ushtey as fuill, dy jarroo Yeesey Creest; cha nee liorish ushtey ny-lomarcan, agh liorish ushtey as fuill: as she yn Spyrryd ta gymmyrkey feanish, er-yn-oyr dy vel y Spyrryd firrinys.