Noo Mian 3:12 - Yn Vible Casherick 1775 1819

¹² Ta’n cleayst echey ayns e laue, as nee eh dy bollagh e laare-vooie y ghlenney, as gowee eh e churnaght stiagh ayns e hie-tashtee: agh loshtee eh yn choau lesh aile nagh bee er ny vooghey.

Yn Conaant Noa 1810

¹² Ta’n cleayst echey ayns e laue, as nee eh dy bollagh e laare‐vooie y ghlenney, as gowee eh e churnaght stiagh ayns e hie‐tashtee: agh loshtee eh yn choau lesh aile nagh bee er ny vooghey.

Noo Mian 1748

¹² Ta’n cleayst echey ayns e laue, as nee e dy bollagh e laare‐arroo y ghlenney, as gowee e e churnaght stiagh ayns y thie‐tashtee, agh loshtee e yn choau lesh aile nagh vod v’er ny vooghey.

Noo Mian 3:12 ပူးပေါင်းရင်းမြစ်များ

Lioar Yob 21:18

T’ad myr y stubble roish y gheay, as myr y coau ta’n sterrym dy heebey ersooyl.

Psalmyn 1:4

E ghuillag neesht cha jean fioghey: as jeeagh, cre-erbee t’eh dy yannoo, te cheet lesh.

Psalmyn 35:5

Bee ad myr y joan roish y gheay: as ainle y Chiarn dyn skeayley ad.

Isaiah 1:31

As bee ny treanee myr barragh, as yn obbree myr drilleen, as nee ad ny-neesht lostey dy cheilley, as cha jean fer erbee ad y vooghey.

Isaiah 17:13

Nee ny ashoonyn roie dy cheilley myr thooillaghyn ymmodee ushtaghyn: agh nee Jee ad y chastey, as nee ad chea foddey jeh, as bee ad er nyn imman myr coau ny sleityn roish y gheay, as myr floagyn roish y gheay-chassee.

Isaiah 27:4

Cha vel eulys tannaghtyn mârym’s: quoi yinnagh soiaghey dressyn as drineyn m’oï ’sy chaggey? yinnin goll nyn drooid, yinnin lostey ad cooidjagh.

Isaiah 28:28

Ta arroo-arran er ny vlieh, nagh bee eh dy kinjagh bwoalley, ny brishey eh lesh queeyl e chart, ny broo eh lesh e chabbil.

Isaiah 30:24

Nee ny dew myrgeddin, as ny assylyn aegey, ta traaue yn thalloo, gee arroo glen t’er ny ve fasnit lesh y chleayst as lesh y dollan-bennalt.

Isaiah 41:16

Fasnee oo ad, as hed ad lesh y gheay, as nee geay-chassee ad y scaalheaney: as gowee oo boggey ayns y Chiarn, as nee oo boggyssagh ayns Jee casherick Israel.

Isaiah 5:24

Shen-y-fa myr ta’n aile stroie yn stubble, as y lossey stroie yn coau, myr shen bee yn fraue oc myr loauid, as hed y blaa oc seose myr y joan; son dy vel ad er n’yiooldey rish leigh Chiarn ny flaunyssee, as dy vel ad er hoiaghey beg jeh goo Yee casherick Israel.

Isaiah 66:24

As hed ad magh, dy yeeaghyn er kirp marroo ny deiney t’er n’irree-magh m’oï; son cha vow yn veishteig oc baase, chamoo vees yn aile oc er ny vooghey; as bee ad dwoaiagh da dy chooilley chretoor.

Jeremiah 15:7

As nee’m ad y asney lesh dollan ayns giattyn y cheer; nee’m ad y roostey jeh nyn gloan, nee’m my phobble y stroie, fakin nagh vel ad chyndaa veih nyn raaidyn.

Jeremiah 17:27

Agh mannagh n’eaisht shiu rhym dy reayll yn doonaght casherick, as gyn laad y ymmyrkey, eer goll stiagh er giattyn Yerusalem er y doonaght; eisht neem’s aile y oaddey ayns ny giattyn eck; as nee eh plaaseyn Yerusalem y stroie, as cha bee eh er ny vooghey.

Jeremiah 4:11

Ec y traa shen bee eh graït rish y pobble shoh as rish Jerusalem, Geay fowanagh veih sleityn ard yn aasagh noi inneen my phobble, cha nee son fasney, ny son reealley.

Jeremiah 51:2

As ver-yms gys Babylon fasneyderyn, nee ish y asney, as folmaghey yn cheer eck: son ayns y laa seaghnagh bee ad noi eck chion mygeayrt.

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Hosea 13:3

Shen-y-fa bee ad myr bodjal y vadran, as myr y druight moghey, ta lheïe ersooyl, myr y coau ta eebrit lesh y gheay-chassee jeh’n laare-vooie, as myr y jaagh ass y chymlee.

Amos 9:9

Son cur-my-ner, ver-ym sarey, as nee’m creearey thie Israel mastey dy chooilley ashoon, myr ta arroo er ny reealley ayns creear, ny-yeih, cha bee yn grine sloo caillit er y thalloo.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Noo Mian 13:30

Lhig-jee daue ny-neesht gaase cooidjagh derrey’n fouyr: as ayns earish yn ouyr jir-yms rish ny beayneeyn, Chymsee-jee cooidjagh hoshiaght yn coggyl ayns bunneeyn ry-hoi lostey; agh tayrn-jee yn churnaght stiagh ayns my hoalt.

Noo Mian 13:41

Ver yn Mac dooinney magh e ainleyn, as teiyee ad ass e reeriaght dy chooilley nhee ta tayrn sleih gys peccah, as adsyn ta cur-rish yn olk;

Noo Mian 13:42

As tilgee ad ad ayns coirrey aileagh: ayns shen vees keayney as snaggeraght feeacklyn.

Noo Mian 13:43

Eisht nee yn chloan chairagh soilshean magh myr y ghrian, ayns reeriaght nyn Ayrey. Eshyn ta cleayshyn echey dy chlashtyn, lhig da clashtyn.

Noo Luke 3:16

Dreggyr Ean as dooyrt eh roo ooilley, Ta mish dy jarroo bashtey shiu lesh ushtey; agh ta fer s’pooaral na mish cheet, kiangley ny braagyn echey cha vel mee feeu dy eaysley: nee eshyn shiu y vashtey lesh y Spyrryd Noo, as lesh aile.

Noo Luke 3:17

Ta’n cleayst echey ayns e laue, as fasnee eh dy bollagh e laare-vooie, as gowee eh yn churnaght stiagh ayns e hie-tashtee; agh yn coau nee eh y lostey lesh aile nagh bee er ny vooghey.

Noo Ean 15:2

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.