Noo Mian 27:4 - Yn Vible Casherick 1775 1819

⁴ Gra, Ta mee er n’yannoo peccah, ayns dy vel mee er vrah yn uill neu-chyndagh. As dooyrt adsyn, Cre ta shen dooinyn? jeeagh uss da shen.

Yn Conaant Noa 1810

⁴ Gra, Ta mee er n’yannoo peccah, ayns dy vel mee er vrah yn uill neu chyndagh. As dooyrt adsyn, Cre ta shen dooinyn? jeeagh uss da shen.

Noo Mian 1748

⁴ Gra, Ta mee er nianoo peccah, ayns dy vel mee er vrah yn uill niau‐chyndagh. As doort adsyn, Cre ta shen dooinyn? jeagh uss da shen.

Noo Mian 27:4 ပူးပေါင်းရင်းမြစ်များ

1 Reeaghyn 21:27

As haink eh gy-kione, tra cheayll Ahab ny goan shoh, dy raip eh e choamraghyn, as chur eh aanrit-sack er e chorp, as hrosht eh, as lhie eh ayns aanrit-sack, as huill eh dy trimshagh.

2 Reeaghyn 24:4

As myrgeddin son yn uill neu-chyndagh gheayrt eh, (son lhieen eh Jerusalem lesh fuill gyn-loght,) nagh jinnagh y Chiarn pardooney.

Lioar Yob 13:4

Agh cha vel shiuish agh cooiney breagyn; ta shiu ooilley fir-lhee gyn foaynoo.

Lioar Yob 16:2

Ta mee er chlashtyn dy liooar jeh’n ghlare shoh: s’treih ny fir-gherjee shiu ooilley!

Psalmyn 94:21

T’ad chaglym cooidjagh noi annym y dooinney cairagh: as deyrey gys baase yn uill neu-chyndagh.

Exodus 12:31

As deïe eh er son Moses as Aaron er yn oie, as dooyrt eh, Trog-jee erriu, as cosne-jee magh veih mastey my phobble, chammah shiuish, as cloan Israel; as immee-jee, shirveish-jee yn Chiarn, myr ta shiu er ghra.

Exodus 9:27

As hug Pharaoh fys er Moses as Aaron, as dooyrt eh roo, Ta mee er n’yannoo peccah yn cheayrt shoh: ta’n Chiarn cairagh, agh ta mish as my phobble mee-chrauee.

Raaghyn Creeney 12:8

Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Jeremiah 26:15

Agh toig-jee son shickyrys, my ver shiu mee dy baase, ver shiu lhieu son shickyrys fuill neu-chyndagh erriu hene, as er yn ard-valley shoh, as er ny cummaltee eck: son dy firrinagh-focklagh hug y Chiarn mish magh hiu, dy loayrt ooilley ny goan shoh ayns nyn glashtyn.

Jonah 1:14

Shen-y-fa, deïe ad gys y Chiarn, as dooyrt ad, Ta shin guee ort, O Hiarn, ta shin guee ort, ny lhig dooin cherraghtyn son bioys yn dooinney shoh, as ny cur gys nyn lieh yn uill gyn-loght; son t’ou uss, O Hiarn, er n’yannoo myr s’gooidsave lhiat.

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa-thallooin, as ny reddyn v’er jeet gy-kione, ghow ad aggle mooar, gra, Dy firrinagh shoh va Mac Yee.

Noo Luke 23:22

As dooyrt eh roo yn trass cheayrt, Cammah, cre’n olk t’eh er n’yannoo? cha vel mish er gheddyn oyr baaish erbee ayn: smaghtee-ym eh er-y-fa shen, as lhiggym y raad da.

Noo Luke 23:41

As shinyn dy jarroo dy cairagh; son ta shin er gheddyn toilchinys cooie yn jannoo ain: agh cha vel y dooinney shoh er n’yannoo aggair erbee.

Noo Luke 23:47

Nish tra honnick y centurion cre va er jeet gy-kione, hug eh moylley da Jee, gra, Ayns firrinys v’eh shoh ny ghooinney cairagh.

Noo Ean 19:7

Dreggyr ny Hewnyn eh, Ta leigh ainyn, as liorish y leigh ain lhisagh eh v’er ny choyrt gy-baase, er-y-fa dy ghow eh er dy nee Mac Yee v’eh.

Jannoo 13:28

As ga nagh dooar ad oyr erbee baaish ayn, ny-yeih ghuee ad er Pilate e vioys y ghoaill.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

1 Timothy 4:2

Ginsh vreagyn ayns craueeaght-foalsey, yn chooinsheanse oc creoghit lesh yiarn jiarg;

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.

Hebrewnee 7:26

Son va lheid yn ard-saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

1 Peddyr 1:19

Agh lesh fuill deyr Chreest, myr jeh eayn fegooish lheamys, as fegooish cron:

1 Ean 3:12

Cha nee myr va Cain, va jeh’n drogh-er shen, as varr e vraar: As cre’n-fa varr eh eh? Er-yn-oyr dy row ny obbraghyn echey hene olk, as obbraghyn e vraarey cairagh.

Ashlish 11:10

As bee cummaltee yn thallooin boggyssagh harrystoo, as bee ad gennal, as ver ad giootyn da ’cheilley; er-yn-oyr dy ren y daa phadeyr shoh adsyn y heaghney va baghey er y thalloo.

1 Samuel 15:24

As dooyrt Saul rish Samuel, Ta mee er n’yannoo peccah: son ta mee er n’gholl noi sarey’n Chiarn, as ny goan ayd’s; er-yn-oyr dy row mee ayns aggle roish y pobble, as dy dug mee geill da nyn goraa.

1 Samuel 15:30

Eisht dooyrt eh, Ta mee er n’yannoo peccah: ny-yeih, cur onnor dou nish, ta mee guee ort, fenish shanstyr my phobble, as kiongoyrt rish Israel, as chyndaa reesht mârym, dy voddym ooashley ’choyrt da’n Chiarn dty Yee.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?