Noo Mian 22:4 - Yn Vible Casherick 1775 1819

⁴ Reesht hug eh magh sharvaantyn elley, gra, Abbyr-jee roosyn ta cuirt, Cur-my-ner ta mee er n’aarlaghey my yinnair: ta my ghew as my veiyn beiyht marroo, as dy chooilley nhee ullee; tar-jee gys y vannish.

Yn Conaant Noa 1810

⁴ Reesht hug eh magh sharvaantyn elley, gra, Abbyr‐jee roosyn ta cuirt, Cur‐my‐ner ta mee er n’aarlaghey my yinnair: ta my ghew as my veiyn beiyht marroo, as dy chooilley nhee ullee; tar‐jee gys y vannish.

Noo Mian 1748

⁴ Reeshtagh hug e magh shiarvaantyn elley, gra, Abbyr‐jee roosyn ta cuirt, Cur‐my‐ner ta mee er naarlaghey my yinnair: ta my ghew as my veiyn beiht marroo, as dy chooilley nee aarloo; tar‐jee gys y vannish.

Noo Mian 22:4 ပူးပေါင်းရင်းမြစ်များ

Nehemiah 9:17

As dob ad dy ve biallagh, chamoo dreill ad ayns cooinaghtyn dty yindyssyn ren oo ny mast’ oc: agh chreoi ad nyn mwannal, as ayns yn irree-magh oc phoint ad captan, dy hyndaa reesht gys nyn mondiaght: agh t’ou uss Jee arryltagh dy phardooney, graysoil as myghinagh, moal gys corree, as dy chenjallys vooar, as cha ren oo ad y hreigeil.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Raaghyn Creeney 15:17

Ny share ta lhongey dy lossreeyn lesh aigney-mie, na brawn beiyht, as myskid lesh.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Noo Mian 21:36

Reesht hug eh magh sharvaantyn elley ny shlee na’n chied eallagh: as ghell ad roosyn er yn aght cheddin.

Noo Mian 22:5

Agh hoie adsyn beg jeh, as hie ad rhymboo, fer gys e state-hallooin, as fer elley gys e varchantys:

Noo Mian 22:8

Eisht dooyrt eh rish e harvaantyn, Ta’n vannish aarloo, agh y vooinjer va cuirt cha row ad feeu.

Noo Luke 14:17

As hug eh magh e harvaant ec traa shibberagh dy ghra rish ny goaldee, Tar-jee, son ta dy chooilley nhee nish aarloo.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu-feeu jeh’n vea veayn, cur-my-ner ta shinyn chyndaa gys ny Ashoonee.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?