Noo Mian 2:6 - Yn Vible Casherick 1775 1819

⁶ As uss Vethlehem ayns cheer Yudea, cha nee oo sloo ta mastey princeyn Yuda: son assyd’s hig Kiannoort nee reill my phobble Israel.

Yn Conaant Noa 1810

⁶ As uss Vethlehem ayns cheer Yudea, cha nee oo sloo ta mastey princeyn Yuda: son assyd’s hig Kiannoort nee reill my phobble Israel.

Noo Mian 1748

⁶ As uss Bethlehem ayns talloo Yuda, cha nee oo sloo ta mastey Prinsyn Yudah: Son assyds hig Kianoort nee reill my phobble Israel.

Noo Mian 2:6 ပူးပေါင်းရင်းမြစ်များ

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

1 Recortyssyn 2:51

Salma ayr Veth-lehem, Hareph ayr Beth-gader.

1 Recortyssyn 5:2

As ghow Judah raad jeh e vraaraghyn, as jehsyn haink yn ard-er-reill; agh va cairys yn eiraght lesh Joseph:)

Ezra 2:21

Cloan Veth-lehem, keead as three as feed.

Isaiah 40:11

Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Earrooyn 24:19

Ass Jacob hig yn ard-fer-reill, as nee eh stroie eshyn t’er-mayrn jeh’n ard-valley.

Noo Mian 2:1

Nish tra rug Yeesey ayns Bethlehem dy Yudea, rish lhing ree Herod, cur-my-ner haink deiney-creeney veih’n shiar gys Jerusalem,

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Ean 21:16

Dooyrt eh rish reesht yn nah cheayrt, Simon mac Yonas, vel oo graihagh orrym? Dooyrt eh rish, Ta mee, Hiarn; ta fys ayd hene dy vel graih aym ort. Dooyrt eh rish, Bee dty vochilley mie er my chirree.

Noo Ean 7:42

Nagh vel y scriptyr er ghra, dy vel Creest dy heet jeh sluight Ghavid, as ass y balley Bethlehem, raad ruggyr David?

Ephesianee 1:22

As ta er choyrt dy chooilley nhee fo e chassyn, as hug eh eh dy ve kione harrish dy chooilley nhee da’n agglish,

Colossianee 1:18

As t’eshyn kione y chorp, yn agglish: eh ta’n toshiaght, yn chied-er-ny-ruggey veih ny merriu; dy voddagh yn ard-reill ’ve echey ayns dy chooilley nhee.

Hebrewnee 7:14

Son te feer chronnal dy daink nyn Jiarn magh ass sheeloghe Yudah; jeh’n cheeloghe shen cha loayr Moses veg mychione y taggyrtys.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 2:27

(As nee eh reill ad lesh lorg-reill dy yiarn: as myr siyn craie bee ad brisht ayns peeshyn) myr ta mish myrgeddin er gheddyn veih my Ayr.

Ashlish 7:17

Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.