Noo Mian 2:2 - Yn Vible Casherick 1775 1819

² Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Yn Conaant Noa 1810

² Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Noo Mian 1748

² Gra, Cre vel Ree ny Hewnyn t’er jeet er y teihl? Son honnick shin y Rollage echey ayns y Shar, as ta shin er jeet dy chur ooashley da.

Noo Mian 2:2 ပူးပေါင်းရင်းမြစ်များ

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 45:11

Clasht, O inneen, as smooinee ort, croym dty chleaysh: jarrood myrgeddin dty phobble hene, as thie dty ayrey.

Isaiah 60:3

As hig ny ashoonee gys dty hoilshey, as reeaghyn gys sollyssid dty voghrey.

Jeremiah 23:5

Cur-my-ner, ta ny laghyn cheet, ta’n Chiarn dy ghra, dy drog-yms seose gys David Banglane cairal, as nee Ree reill as bishaghey, as briwnys as ynrickys y chooilleeney er y thalloo.

Jeremiah 30:9

Agh shirveishee ad yn Chiarn y Jee oc hene, as David nyn ree, eshyn trog-yms seose daue.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Earrooyn 24:17

Neem’s fakin eh, agh cha nee nish: ver-ym eh my-ner, agh cha nee dy gerrit: hig Rollage ass Jacob, as nee Lorg-reill troggal ass Israel; as nee eh bwoalley corneilyn Voab, as reill harrish ooilley cloan Sheth.

Noo Mian 2:3

Tra cheayll ree Herod shoh, v’eh dy mooar seaghnit, as ooilley Jerusalem mârish.

Noo Mian 21:5

Insh-jee da inneen Sion, Cur-my-ner, ta dty ree cheet hood dy imlee, as ny hoie er assyl, as er lhiy sharragh assyl.

Noo Mian 27:11

As hass Yeesey fenish y chiannoort, as dênee yn kiannoort jeh, gra, Nee uss ree ny Hewnyn? As dooyrt Yeesey rish, T’ou uss dy ghra eh.

Noo Luke 19:38

Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Noo Luke 2:11

Son diuish t’er ny ruggey jiu ayns ard-valley Ghavid, Saualtagh, ta shen Creest yn Chiarn.

Noo Luke 23:3

As dênee Pilate jeh, gra, Nee ree ny Hewnyn oo? As dreggyr eh, as dooyrt eh, T’ou uss dy ghra eh.

Noo Luke 23:38

As va’n screeu shoh myrgeddin soit erskyn e chione, ayns letteryn dy Ghreek, as dy Latin, as dy Hebrew, SHOH REE NY HEWNYN.

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 12:13

As ghow ad banglaneyn dy viljyn-palm, as hie ad magh ny whail, as deïe ad, Hosanna; bannit ta ree Israel ta cheet ayns ennym y Chiarn.

Noo Ean 18:37

Dooyrt Pilate er-y-fa shen rish, Vel oo dty ree eisht? Dreggyr Yeesey, T’ou uss er ghra eh, ta mee my ree. Er son shoh ruggyr mee, as er-yn-oyr shoh haink mee gys y theihll, dy ymmyrkey feanish gys yn irriney, Ta dy chooilley unnane ta jeh’n irriney clashtyn my choraa.

Noo Ean 19:19

As ren Pilate screeuyn, as hug eh er y chrosh eh. As va’n screeu, YEESEY DY NAZARETH REE NY HEWNYN.

Noo Ean 20:28

As dreggyr Thomase as dooyrt eh rish, My Hiarn, as my Yee.

Noo Ean 5:23

Dy voddagh dy chooilley ghooinney ooashley y choyrt da’n Mac, myr t’ad cur ooashley da’n Ayr. Eshyn nagh vel cur ooashley da’n Mac, cha vel eh coyrt ooashley da’n Ayr ren y choyrt eh.

Noo Ean 9:38

As dooyrt eh, Hiarn, ta mee credjal. As hug eh ooashley da.

Hebrewnee 1:6

As reesht, tra t’eh coyrt lesh yn chied-er-ny-gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

Ashlish 22:16

Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.