Noo Mian 2:16 - Yn Vible Casherick 1775 1819

¹⁶ Eisht Herod toiggal dy row eh mollit liorish ny deiney-creeney, v’eh erskyn-towse eulyssagh, as hug eh magh sarey, as varr eh ooilley ny lhiennoo-mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney-creeney.

Yn Conaant Noa 1810

¹⁶ Eisht Herod toiggal dy row eh mollit liorish ny deiney‐creeney, v’eh erskyn‐towse eulyssagh, as hug eh magh sarey, as varr eh ooilley ny lhiennoo‐mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney‐creeney.

Noo Mian 1748

¹⁶ ¶ Tra honnick Herod eisht, dy row e mollit liorish ny deney creeney, ve feer jymmoosagh, as hug e magh sarey, as var e ooilley yn chloan v’ayns Bethlehem, as ayns ooilley ny ardjyn shen, veih daa vleïn dy eash as fo, cordail rish yn earish ve dy imneagh er vriaght jeh ny deney creeney.

Noo Mian 2:16 ပူးပေါင်းရင်းမြစ်များ

Genesis 39:14

Dy dyllee ee gys sleih yn thie eck, as loayr ee roo, gra, Jeeagh-jee, t’eh er choyrt lesh Hebrew stiagh hooin, dy hayrn scammylt orrin: haink eh stiagh hym’s dy lhie mârym, as dyllee mee lesh coraa ard.

Genesis 39:17

As loayr ee rish, cordail rish ny goan shoh, gra, Yn charvaant Hebrew hug oo lhiat hooin, haink eh stiagh hym dy hayrn scammylt orrym.

Genesis 49:7

Dy row mollaght er y farg oc, son ve eulyssagh; as y jymmoose oc, son ve dewil: neem’s ad y scarrey ayns Jacob, as ad y skeayley ayns Israel.

2 Reeaghyn 8:12

As dooyrt Hazael, Cre’n-fa, ta my hiarn keayney? As dreggyr eh, Er-yn-oyr dy vel fys aym cre’n olk ver uss lhiat er cloan Israel: ny ynnydyn lajer oc nee uss y lostey, as ny deiney aegey oc nee uss y varroo lesh y chliwe, as yn chloan oc nee uss y vransey, as giarey seose nyn mraane torragh.

Lioar Yob 12:4

Ta mish myr fer t’ec e naboo ayns faghid, ta geamagh gys Jee, as t’eh dy reggyrt eh: ta’n dooinney slane ynrick ayns faghid eu.

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Raaghyn Creeney 28:17

Eshyn t’er n’yannoo dewlys er fuill dooinney erbee, bee eh eiyrit dy baase; ny lhig da dooinney erbee lhiettal eh.

Isaiah 26:21

Son cur-my-ner, ta’n Chiarn cheet magh ass e ynnyd dy cherraghey cummaltee yn theihll son nyn mee-chairys: nee’n ooir myrgeddin yn uill eck y vrah, as cha jean ee ny-sodjey ny merriu eck y cheiltyn.

Isaiah 59:7

Ta ny cassyn oc roie gys olk, as gastey dy gheayrtey fuill gyn-loght: ta ny smooinaghtyn oc smooinaghtyn dy vee-chairys; ta traartys as treihys ayns nyn raaidyn.

Daniel 3:13

Eisht doardee Nebuchadnezzar ayns farg as eulys, Shadrach, Meshach, as Abed-nego, dy heet ny enish? eisht hug ad lhieu ny deiney shoh fenish y ree.

Hosea 10:14

Shen-y-fa nee tharmane caggee troggal mastey dty phobble, as bee ooilley dty chashtallyn er ny spooilley, myr ren Shalman spooilley Beth-arbel ayns laa yn chaggey: va’n moir bransit gys peeshyn er e cloan.

Earrooyn 22:29

As dooyrt Balaam rish yn assyl, Son dy vel oo er ve roonagh rhym: baillym, dy beagh cliwe ayns my laue, son nish varrin oo.

Earrooyn 24:10

As va corree Valak er ny vrasnaghey noi Balaam, as woaill eh e vassyn dy cheilley: as dooyrt Balak rish Balaam, Hug mee fys ort dy ghwee mollaght er my noidyn, as cur-my-ner, t’ou dy slane er vannaghey ad, ny three keayrtyn shoh.

Noo Mian 2:1

Nish tra rug Yeesey ayns Bethlehem dy Yudea, rish lhing ree Herod, cur-my-ner haink deiney-creeney veih’n shiar gys Jerusalem,

Noo Mian 2:17

Shen y traa va cooilleenit ny va loayrit liorish Jeremy yn phadeyr, gra,

Noo Mian 2:7

Eisht hug Herod fys follit er ny deiney-creeney, as deysht eh ad dy imneagh mychione y traa haink yn rollage rish.

Ashlish 12:4

As hayrn y famman echey yn trass ayrn jeh rollageyn niau, as cheau eh ad er y thalloo: as hass y dragon kiongoyrt rish y ven va aarloo dy ve livreit, dy stroie yn lhiannoo eck cha leah as harragh eh er y theihll.

Ashlish 17:6

As honnick mee yn ven er-meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Briwnyn 16:10

As dooyrt Delilah rish Samson, Cur-my-ner, t’ou er my volley, as er n’insh breagyn dou: nish insh dou, ta mee guee ort, cre lesh oddys oo ve kianlt.