Noo Mian 2:11 - Yn Vible Casherick 1775 1819

¹¹ As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Yn Conaant Noa 1810

¹¹ As goll stiagh ’sy thie, hooar ad y liahunoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Noo Mian 1748

¹¹ ¶ As tra va’d er jeet stiagh ayns y thie, honnick ad y liannoo aeg marish Moirrey e Voir, as huitt ad sheese as hug ad ooashley da; as tra va’d er vosley ny tashtaghyn oc, heb ad da giootyn, aer, as frankincense as myrrh.

Noo Mian 2:11 ပူးပေါင်းရင်းမြစ်များ

Genesis 43:11

As dooyrt Israel nyn ayr roo, My shegin da ve myr shen nish, shoh jean-jee; gow-jee jeh messyn share y cheer ayns nyn siyn, as cur-jee lhieu gioot sheese da’n dooinney, red beg dy valm, as kuse dy vill, spiceyn as myrrh, croyn as almonyn.

1 Reeaghyn 10:10

As hug ee da’n ree keead talent as feed dy airh, as stoyr yindyssagh dy spiceyn, as jewellyn costal: cha daink arragh lheid y palchey dy spiceyn, as ad shoh hug ben-reïn Sheba da ree Solomon.

1 Reeaghyn 10:2

As haink ee gys Jerusalem lesh sheshaght feer vooar, as camelyn laadit lesh spiceyn, as weight airh, as jewellyn costal: as tra v’ee er jeet gys Solomon, loayr ee rish jeh ooilley ny v’eck ayns e cree.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 45:8

T’ou er choyrt graih da cairys, as feoh da mee-chairys: shen-y-fa ta Jee, dy jarroo yn Jee ayd’s, er dt’ooilaghey lesh yn ooil dy yennallys erskyn dty heshaghyn.

Psalmyn 72:10

Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Psalmyn 72:15

Bee eh bio, as dasyn vees er ny choyrt jeh airh Arabia: bee padjer er ny yannoo dy kinjagh huggey, as gagh laa vees moylley er ny choyrt da.

Psalmyn 95:6

O tar-jee, lhig dooin ooashley y choyrt, as tuittym sheese: as gliooney kiongoyrt rish y Chiarn y Fer ren shin.

Exodus 30:23

Gow myrgeddin ard-spiceyn, jeh reih myrrh queig cheead shekel, as jeh cinnamon millish lieh wheesh eer daa cheead as jeih shekelyn as da-eed, as jeh calamus millish daa cheead as jeih shekelyn as da-eed.

Exodus 30:34

As dooyrt y Chiarn rish Moses, Gow hood spiceyn millish, stacte, as onycha, as galbanum; ny spiceyn millish shoh lesh frankincense glen; yn un towse jeh dagh unnane oc.

Arrane Solomon 3:6

Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Isaiah 60:6

Nee camelyn erskyn earroo taaghey hood, dromedareeyn Vidian as Ephah; adsyn ooilley veih Sheba hig ad: ver ad lhieu airh as incense; as soilshee ad magh ard-voylley yn Chiarn.

Leviticus 6:15

As nee eh goaill lane e ghurn jeh flooyr yn oural-arran, as jeh’n uill echey, as ooilley’n frankincense t’er yn oural-arran, as shen y lostey er yn altar, son cowrey dy hoar millish da’n Chiarn.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Earrooyn 7:14

Un spain airh, jeh jeih shekelyn, lane dy incense:

Earrooyn 7:86

Va ny spainyn airh ghaa-yeig, lane incense, towse jeih shekelyn y pheesh, lurg shekel y chabbane-casherick; va ooilley airh ny spainyn shey-feed shekel.

Noo Mian 1:18

Nish shoh myr haink [Yeesey] Creest er y theihll: Erreish da e voir Moirrey ve nasht rish Joseph, roish my daink ad dy vaghey cooidjagh, v’ee ry-akin dy ve corrym liorish yn Spyrryd Noo.

Noo Mian 12:46

Choud as v’eh foast loayrt rish y pobble, cur-my-ner va e voir as e vraaraghyn nyn shassoo mooie, shirrey loayrt rish.

Noo Mian 14:33

Eisht haink yn cheshaght-lhuingey, as hug ad ooashley da, gra, Ayns firrinys oo Mac Yee.

Noo Mian 2:10

Tra honnick ad y rollage, va boggey erskyn-towse orroo.

Noo Mian 2:2

Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Noo Luke 2:16

As haink ad lesh siyr, as hooar ad Moirrey as Joseph, as yn oikan ny lhie ayns manjoor.

Noo Luke 2:38

As haink ish stiagh ec y traa cheddin, as hug ee booise myrgeddin da’n Chiarn, as loayr ee jeh roosyn ooilley va jeeaghyn son livrey-ys ayns Jerusalem.

Noo Ean 19:39

As haink myrgeddin Nicodemus (va roïe er jeet gys Yeesey ayns yn oie) as hug eh lesh mysh keead punt dy vyrrh as dy aloes kione-y-cheilley.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.