Noo Mian 2:10 - Yn Vible Casherick 1775 1819

¹⁰ Tra honnick ad y rollage, va boggey erskyn-towse orroo.

Yn Conaant Noa 1810

¹⁰ Tra honnick ad y rollage, va boggey erskyn‐towse orroo.

Noo Mian 1748

¹⁰ Tra honnick ad y Rollage va’d lieent lesh boggey er‐skyn towse.

Noo Mian 2:10 ပူးပေါင်းရင်းမြစ်များ

Psalmyn 105:3

Gow-jee boggey ayns yn Ennym casherick echey: lhig da’n cree ocsyn ’ve gennal ta shirrey lurg y Chiarn.

Psalmyn 67:4

O lhig da ny ashoonyn boggey ’ghoaill as ve gennal: son nee uss y pobble y vriwnys dy cairal, as ny ashoonyn y reill er y thalloo.

Noo Mian 2:11

As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Noo Mian 2:9

Erreish daue v’er chlashtyn y ree, jimmee ad rhymboo, as cur-my-ner hie yn rollage honnick ad ayns y shiar er e toshiaght roue, derrey haink ee, as hass ee erskyn yn ynnyd raad va’n lhiannoo.

Noo Luke 2:10

As dooyrt yn ainle roo, Ny bee aggle erriu: son cur-my-ner, ta mish coyrt lhiam hiu naightyn mie dy voggey mooar vees gys dy chooilley phobble.

Noo Luke 2:20

As haink ny bochillyn roue, cur gloyr as moylley da Jee son dy chooilley nhee v’ad er chlashtyn as er vakin, myr ve inshit daue.

Deuteronomy 32:13

Hug eh da dy varkiagh ayns ardjyn s’ooasle y thallooin, dy voddagh eh gee mess ny magheryn, as hug eh da dy hoo mill ass y chreg, as ooil ass y chreg flint.