Noo Mian 13:3 - Yn Vible Casherick 1775 1819

³ As loayr eh mooarane reddyn roo ayns coraaghyn-dorraghey, gra, Cur-jee my-ner, hie correyder magh dy chuirr.

Yn Conaant Noa 1810

³ As loayr eh mooarane reddyn roo ayns coraaghyn‐dorraghey, gra, Cur‐jee my‐ner, hie correyder magh dy chuirr.

Noo Mian 1748

³ As loar e ymmodee dy reddyn roo ayns coraaghyn dorraghey, gra, Cur‐my‐ner hie corryder magh dy chuirr.

Noo Mian 13:3 ပူးပေါင်းရင်းမြစ်များ

Psalmyn 49:4

Croym-ym my chleaysh gys y coraa-dorraghey: as nee’m soilshaghey my ghlare dowin er y chlaasagh.

Psalmyn 78:2

Nee’m my veeal y osley ayns coraa-dorraghey: ver-ym y bun diu jeh raaghyn doillee yn chenndeeaght;

Ezekiel 17:2

Vac y dooinney, cur magh feysht, as loayr coraa-dorraghey rish thie Israel;

Ezekiel 20:49

Eisht dooyrt mee, Ah Hiarn Yee! t’ad gra my-mychione’s, Nagh vel eh loayrt raaghyn-dorraghey?

Micah 2:4

Ayns y laa shen nee fer goaill seose coraa-dorraghey nyn ’oï, as nee eh dobberan lesh dobberan hrimshagh, as jir eh, Ta shin dy bollagh spooillit: t’eh er chaghlaa eiraght my phobble: kys t’eh er scughey foddey voym eh! caghlaa yn chagliagh t’eh er rheynn nyn magheryn.

Habakkuk 2:6

Nagh jean ad shoh ooilley goaill seose coraa-dorraghey n’oï, as raa floutagh my-e-chione, as gra, Smerg dasyn ta bishaghey shen nagh vel lesh hene! caïd? as dasyn ta laadey eh-hene lesh y chray trome.

Noo Mian 13:4

As myr v’eh cuirr, huitt paart jeh’n rass rish oirr y raad, as haink ny eeanlee, as d’ee ad seose eh.

Noo Mian 13:53

As haink eh gy-kione, tra va Yeesey erreish ny coraaghyn-dorraghey shoh y loayrt, dy jimmee eh veih shen.

Noo Mian 22:1

As dreggyr Yeesey, as loayr eh roo reesht liorish coraaghyn-dorraghey, gra,

Noo Mian 24:32

Ynsee-jee eisht coraa-dorraghey veih’n villey-figgagh: tra ta’n banglane echey foast oor, as cur magh duillagyn, ta fys eu dy vel y sourey er-gerrey.

Noo Mark 12:1

As ren eh toshiaght dy loayrt roo liorish coraaghyn-dorraghey. Va dooinney dy row ren garey-feeyney y hoiaghey, as ren eh cleigh mygeayrt-y-mysh, as chleiy eh ynnyd son y press-feeyney, as hrog eh toor, as hoie eh eh rish eirinnee, as hie eh gys cheer foddey.

Noo Mark 12:12

As v’ad shêgin er goaill eh, agh v’ad ayns aggle roish y pobble; son va fys oc dy row eh er loayrt yn coraa-dorraghey noi ad-hene: as daag ad eh, as hie ad rhymboo.

Noo Mark 3:23

As deïe eh orroo huggey, as dooyrt eh roo ayns coraaghyn-dorraghey, Kys oddys Satan Satan y chastey?

Noo Mark 4:13

As dooyrt eh roo, Nagh vel toiggal eu jeh’n choraa-dorraghey shoh? as kys eisht nee shiu dy chooilley choraa-dorraghey y hoiggal?

Noo Mark 4:33

As lesh ymmodee dy lheid ny coraaghyn-dorraghey loayr eh yn goo roo, myr v’adsyn son goaill rish.

Noo Luke 12:41

Eisht dooyrt Peddyr rish, Hiarn, nee orrinyn t’ou cheet ’sy choraa-dorraghey shoh, ny myrgeddin er ooilley?

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn-dorraghey: ga t’ad fakin cha vel ad cur-my-ner, as clashtyn cha vel ad toiggal.

Noo Ean 16:25

Ny reddyn shoh ta mee er loayrt riu ayns coraaghyn-dorraghey: agh ta’n traa cheet tra nagh loayr-ym riu ny smoo ayns coraaghyn-dorraghey, agh soilshee-ym diu dy foshlit jeh’n Ayr.