Noo Mian 11:8 - Yn Vible Casherick 1775 1819

⁸ Agh cre hie shiu magh dy akin? Dooinney coamrit ayns garmad moyrnagh? Cur-my-ner, t’adsyn ta ceau coamrey moyrnagh ayns cooyrtyn reeoil.

Yn Conaant Noa 1810

⁸ Agh cre hie shiu magh dy akin? Dooinney coamrit ayns garmad moyrnagh? Cur‐my‐ner, t’adsyn ta ceau coamrey moyrnagh ayns cooyrtyn reeoil.

Noo Mian 1748

⁸ Agh cre hie shiu magh dy akin? Dooinney coamrit ayns sheedey? Cur‐my‐ner, tar adsyn ta caeu sheedey ayns thiyn reeaghyn.

Noo Mian 11:8 ပူးပေါင်းရင်းမြစ်များ

Noo Mian 3:4

As v’ec Ean cheddin coamrey dy fynney chamel, as cryss liare mysh e veeghyn; as va e veaghey locustyn as mill feïe.

Zechariah 13:4

As hig eh gy-kione ayns y laa shen, dy bee ny phadeyryn naareydagh, dagh unnane oc jeh e ashlish, tra t’ad er n’yannoo phadeyrys; chamoo nee ad ceau garmad geyshteenagh dy volley sleih.

Isaiah 20:2

Ec y traa cheddin loayr y Chiarn liorish Isaiah, mac Amoz, gra, Immee, as feayshil yn aanrit-sack jeh dty veeghyn, as cur jeed dty vraagyn. As ren eh myr shen, shooyl rooisht as cass rooisht.

2 Reeaghyn 1:8

As dreggyr ad eh, V’eh ny ghooinney geyshteenagh, as cryss liare mysh e veeghyn. As dooyrt eh, Shen Elijah yn Tishbite.

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

1 Corinthianee 4:11

Gys y traa shoh hene, ta shinyn chammah accryssagh as paagh, as ta shin feme coamrey, as er nyn mwoalley, as cha vel cummal shickyr ain ayns boayl erbee;

Deuteronomy 28:54

Myr shen, y dooinney ta feer seyr as jesheenagh ny-vud eu, bee drogh hooill echey gys e vraar, as da ben e oghrish, as da e chloan vees er-mayrn:

Noo Mian 11:7

As myr v’ad goll roue, ren Yeesey toshiaght dy ghra rish y pobble mychione Ean, Cre hie shiu magh gys yn aasagh dy akin? Nee cuirtlagh criht lesh y gheay?

Noo Mian 11:9

Agh cre hie shiu magh dy akin? Nee phadeyr? dy jarroo ta mee gra riu, as fer syrjey na phadeyr.

Noo Luke 7:25

Agh cre hie shiu magh dy akin? Dooinney soit magh ayns coamrey moyrnagh! Cur-my-ner t’adsyn ta ceau coamrey costal, as farrail dy seyr, ayns plaaseyn reeoil.