Noo Mian 11:3 - Yn Vible Casherick 1775 1819

³ Dy ghra rish, Nee uss eh va dy heet, ny vel shin dy yeeaghyn son fer elley?

Yn Conaant Noa 1810

³ Dy ghra rish, Nee uss eh va dy heet, ny vel shin dy yeeaghyn son fer elley?

Noo Mian 1748

³ Dy ghra rish, Nee uss e, va dy heet, ny vel shin dy yeaghyn son fer elley?

Noo Mian 11:3 ပူးပေါင်းရင်းမြစ်များ

Genesis 12:3

As nee’m adsyn y vannaghey, ta dy dty vannaghey, as ver-ym mollaght ersyn ta guee mollaght ort’s: as aynyd’s vees ooilley ashoonee yn ooir er nyn mannaghey.

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

Psalmyn 118:26

Bannit t’eshyn ta cheet ayns Ennym y Chiarn: ta shin er vannaghey diuish ta jeh thie’n Chiarn.

Isaiah 7:14

Shen-y-fa ver y Chiarn hene cowrey diu: Cur-my-ner, nee moidyn gientyn, as mac y choyrt son y theihll, as bee eh enmyssit Immanuel.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Obadiah 1:21

As hig saualtee seose er cronk Zion, dy vriwnys cronk Esau, as bee yn reeriaght lesh y Chiarn.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Haggai 2:7

As neem’s craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Earrooyn 24:17

Neem’s fakin eh, agh cha nee nish: ver-ym eh my-ner, agh cha nee dy gerrit: hig Rollage ass Jacob, as nee Lorg-reill troggal ass Israel; as nee eh bwoalley corneilyn Voab, as reill harrish ooilley cloan Sheth.

Noo Mian 11:10

Son shoh eh, my-e-chione te scruit, Cur-my-ner ta mee cur my haghter magh royd, dy chiartaghey’n raad kiongoyrt rhyt.

Noo Mian 11:4

Dreggyr Yeesey as dooyrt eh roo, Immee-jee, as soilshee-jee da Ean ny reddyn ta shiu dy chlashtyn as dy akin:

Noo Mian 21:5

Insh-jee da inneen Sion, Cur-my-ner, ta dty ree cheet hood dy imlee, as ny hoie er assyl, as er lhiy sharragh assyl.

Noo Mian 21:9

As deïe yn pobble hie roish, as adsyn haink ny yeï, gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

Noo Mark 11:9

As adsyn hie roish, as y vooinjer haink ny yeï, deïe ad, gra, Hosanna, bannit ta eshyn ta cheet ayns ennym y Chiarn.

Noo Luke 19:38

Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Noo Ean 11:27

Dooyrt ee rish, Ta, Hiarn: ta mee credjal dy nee uss yn Creest Mac Yee, va ry-hoi cheet gys y theihll.

Noo Ean 12:13

As ghow ad banglaneyn dy viljyn-palm, as hie ad magh ny whail, as deïe ad, Hosanna; bannit ta ree Israel ta cheet ayns ennym y Chiarn.

Noo Ean 16:14

Nee eh mish y ghloyraghey: son yiow eh jeh ny ta lhiam’s, as soilshee eh diuish eh.

Noo Ean 4:21

Dooyrt Yeesey r’ee, Ven, cred mish, ta’n oor cheet tra nagh jean shiu er y clieau shoh, ny foast ec Jerusalem ooashley ’choyrt da’n Ayr.

Noo Ean 6:14

Eisht dooyrt ny deiney shen, tra v’ad er vakin y mirril va Yeesey er n’yannoo. She shoh ayns firrinys yn phadeyr shen va ry-hoi cheet gys y theihll.

Noo Ean 7:31

As ren ymmodee jeh’n pobble credjal ayn, as dooyrt ad, Tra hig Creest, jean eh ny shlee mirril na ad shoh ta’n dooinney shoh er n’yannoo?

Hebrewnee 10:37

Foast son tammylt beg, eshyn ta ry-hoi heet nee eh cheet, as cha lhig eh shaghey.