Noo Mian 11:1 - Yn Vible Casherick 1775 1819

¹ As haink eh gy-kione, erreish da Yeesey v’er choyrt ny curmyn shoh da e ghaa ostyl jeig dy jagh eh veih shen dy ynsaghey, as dy phreacheil ayns ny ard-valjyn mygeayrt.

Yn Conaant Noa 1810

¹ As haink eh gy‐kione, erreish da Yeesey v’er choyrt ny curmyn shoh da e ghaa ostyl jeig, dy jagh eh veih shen dy ynsaghey as dy phreacheil ayns ny ard valjyn mygeayrt.

Noo Mian 1748

¹ As haink eh gy kione, tra va Yeesey erreish saraghyn y choyrt da e ghaa ostyl jeig, dy jagh e veih shen dy ynsaghey as dy phreacheil ayns ny kialteenyn oc.

Noo Mian 11:1 ပူးပေါင်းရင်းမြစ်များ

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 7:28

As haink eh gy-kione, erreish da Yeesey v’er loayrt ny goan shoh, dy row yn pobble ayns ard-yindys jeh’n ynsaghey echey.

Noo Mian 9:35

As hie Yeesey mygeayrt ooilley ny ard-valjyn as ny baljyn-cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 6:12

As hie ad magh, as ren ad preacheil, sleih dy ghoaill arrys.

Noo Luke 23:5

As v’ad wheesh shen s’chenney er, gra, T’eh boirey yn pobble, gynsaghey trooid ooilley Judea, goaill toshiaght veih Galilee derrey shoh.

Noo Luke 8:1

As haink eh gy-kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Noo Ean 15:10

My nee shiu my annaghyn y reayll, nee shiu tannaghtyn ayns my ghraih: eer myr ta mish er vreayll annaghyn my Ayrey, as tannaghtyn ayns y ghraih echeysyn.

Noo Ean 15:14

She my chaarjyn shiuish, my nee shiu ny ta mish dy harey diu.

Jannoo 1:2

Derrey’n laa v’eh er ny ghoaill seose, erreish da, trooid y Spyrryd Noo, v’er chur dagh nhee ayns currym da ny ostyllyn v’eh er reih.

Jannoo 10:38

Kys dy ren Jee Yeesey dy Nazareth y ooilaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh-spyrryd: son va Jee mârish.

Jannoo 10:42

As hug eh sarey dooin dy phreacheil gys y pobble, as dy ymmyrkey feanish dy nee eshyn, liorish oardagh Yee, ta dy ve briw ny bioee as ny merriu.

1 Thessalonianee 4:2

Son ta fys eu cre ny saraghyn hug shin diu liorish y Chiarn Yeesey.

2 Thessalonianee 3:10

Son dy jarroo tra va shin mêriu, hug shin yn sarey shoh diu, Fer erbee nagh jinnagh gobbraghey, nagh lhisagh eh gee.

2 Thessalonianee 3:6

Nish ta shin cur sarey diu, vraaraghyn, ayns ennym nyn Jiarn Yeesey Creest, dy jean shiu scarrey shiu hene voish dy chooilley vraar ta gymmyrkey eh-hene dy mee-reiltagh, as cha nee cordail rish yn ynsagh hooar eh voïnyn.

1 Timothy 6:14

Dy vreill oo yn sarey shoh slane, gyn foill, derrey cheet nyn Jiarn Yeesey Creest: