Noo Mian 1:12 - Yn Vible Casherick 1775 1819

¹² As rish earish yn chappeeys Babylonagh hooar Jechonias Salathiel, as hooar Salathiel Zorobabel.

Yn Conaant Noa 1810

¹² As rish earish yn chappeeys Babylonagh hooar Jechonias Salathiel, as hooar Salathiel Zorobabel.

Noo Mian 1748

¹² As ayns earish yn chappeeys ayns Babylon, hooar Jechonias Salathiel, as hooar Salathiel Zorobabel.

Noo Mian 1:12 ပူးပေါင်းရင်းမြစ်များ

2 Reeaghyn 24:14

As hug eh lesh ooilley Jerusalem ersooyl, as ooilley ny princeyn, as ooilley ny deiney niartal caggee, eer jeih thousaneyn cappee, as ooilley ny keirdee, as ny gaauenyn: cha row veg faagit, er-lhimmey jeh’n boanlagh s’boghtey jeh phobble ny cheerey.

2 Reeaghyn 25:27

Haink eh gy-kione ayns y chiaghtoo vleïn jeig as feed jeh cappeeys Jehoiachin ree Yudah, ayns y nah vee yeig, er y chiaghtoo laa as feed jeh’n vee, dy ren Evil-merodach, ree Vabylon, ayns y chied vleïn jeh e reill, kione Jehoiachin ree Yudah y hroggal seose ass pryssoon;

1 Recortyssyn 3:17

As mec Jeconiah; Assir, Salathiel mac dasyn,

Ezra 3:2

Eisht hass seose Jeshua mac Yozadak, as e vraaraghyn ny saggyrtyn, as Zerubbabel mac Shealtiel, as e vraaraghyn, as hrog ad altar Yee Israel, dy hebbal ourallyn-losht er, myr te scruit ayns leigh Voses, dooinney Yee.

Ezra 5:2

Eisht dirree seose Zerubbabel mac Shealtiel, as Jeshua mac Yozadak, as ghow ad toshiaght dy hroggal thie Yee, t’ec Jerusalem; as va phadeyryn Yee cur ad er nyn doshiaght.

Nehemiah 12:1

Nish ad shoh ny saggyrtyn as ny Leviteyn, hie seose marish Zerubbabel mac Shealtiel, as Jeshua: Seraiah, Jeremiah, Ezra,

Jeremiah 22:24

Myr s’bio mee, ta’n Chiarn dy ghra, ga dy beagh Coniah mac Yehoiakim ree Yudah yn cowrey er my laue yesh, foast yinnin oo y raipey veih shen;

Jeremiah 22:28

Vel y dooinney shoh Coniah ny yalloo brisht tilgit ry-lhiattee? nee saagh brisht eh nagh vel gys veg yn ymmyd; dy vel ad tilgit magh, eshyn as e luight, as ceaut stiagh ayns cheer quaagh daue?

Jeremiah 22:30

Myr shoh ta’n Chiarn dy ghra, scrieu-jee sheese yn dooinney shoh gyn sluight, dooinney nagh jean bishaghey ayns e laghyn: son cha jean fer hene jeh e luight bishaghey, dy hoie er stoyl-reeoil Ghavid, ny dy reill arragh ayns Judah.

Jeremiah 27:20

Nagh ren Nebuchadnezzar ree Vabylon y ghoaill, tra hug eh lesh ersooyl nyn gappee Jeconiah mac Yehoiakim ree Yudah, veih Jerusalem gys Babylon, as ooilley deiney ooasle Yudah as Yerusalem:

Haggai 1:1

Ayns y nah vleïn jeh ree Darius, ayns y cheyoo vee, er y chied laa jeh’n vee, haink goo yn Chiarn liorish Haggai yn phadeyr gys Zerubbabel, mac Shealtiel, kiannoort Yudah, as gys Joshua, mac Yosedech, yn ard-saggyrt, gra,

Haggai 1:12

Eisht hug Zerubbabel mac Shealtiel, as Joshua mac Yosedech yn ard-saggyrt, marish ooilley’n chooid elley jeh’n pobble, biallys da goo yn Chiarn nyn Yee, as da goan Haggai yn phadeyr (son dy nee yn Chiarn nyn Yee ren eh y choyrt) as ghow yn pobble aggle roish y Chiarn.

Haggai 1:14

As ghrein y Chiarn seose spyrryd Zerubbabel, mac Shealtiel, kiannoort Yudah, as spyrryd Yoshua, mac Yosedech, yn ard-saggyrt, as spyrryd ooilley’n chooid elley jeh’n pobble, as haink ad, as hie ad laue rish yn obbyr ayns thie Chiarn ny flaunyssee, nyn Yee.

Haggai 2:2

Loayr nish rish Zerubbabel, mac Shealtiel, kiannoort Yudah, as rish Joshua, mac Yosedech, yn ard-saggyrt, as rish yn chooid elley jeh’n pobble, gra,

Haggai 2:23

Ayns y laa shen, ta Chiarn ny flaunyssee dy ghra, goym uss, O Zerubbabel, my harvaant, mac Shealtiel, ta’n Chiarn dy ghra, as nee’m oo myr cowrey: son ta mee er dty reih, ta Chiarn ny flaunyssee dy ghra.

Noo Mian 1:11

As hooar Josias Jechonias as e vraaraghyn, mysh traa yn chappeeys Babylonagh.

Noo Mian 1:13

As hooar Zorobabel Abiud, as hooar Abiud Eliakim, as hooar Eliakim Azor.

Noo Mian 1:17

Myr shen ta ooilley ny sheelogheyn veih Abraham gys David, kiare sheelogheyn jeig: as veih David derrey’n chappeeys ayns Babylon, kiare sheelogheyn jeig: as veih’n chappeeys ayns Babylon derrey Creest kiare sheelogheyn jeig.

Noo Luke 3:27

Mac Joanna, mac Rhesa, mac Zorobabel, mac Salathiel, mac Neri,