Noo Luke 9:41 - Yn Vible Casherick 1775 1819

⁴¹ As dreggyr Yeesey, gra, O heeloghe vee-chredjuagh as roonagh, caïd ta mish dy ve mêriu, as dy hurranse diu? Cur lhiat dty vac ayns shoh.

Yn Conaant Noa 1810

⁴¹ As dreggyr Yeesey, gra, O heeloghe vee‐chredjuagh as roonagh, caïd ta mish dy ve mêriu, as dy hurranse diu? Cur lhiat dty vac ayns shoh.

Noo Luke 9:41 ပူးပေါင်းရင်းမြစ်များ

2 Reeaghyn 5:8

Aw ve myr shen, tra va Elisha yn dooinney dy Yee er chlashtyn dy row ree Israel er raipey e choamrey, dy dug eh fys gys ree Israel, gra, Cre’n-fa t’ou er raipey dty choamrey? lhig da nish cheet hym’s, as bee fys echey dy vel phadeyr ayns Israel.

Psalmyn 78:8

Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Exodus 16:28

As dooyrt y Chiarn rish Moses, Caïd obbys shiu biallys da my haraghyn, as my leighyn?

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Earrooyn 14:11

As dooyrt y Chiarn rish Moses, Caïd nee’n pobble shoh mish y vrasnaghey? as caïd vees eh, nagh jean ad m’y chredjal, son ooilley ny cowraghyn ta mee er hoilshaghey ny mast’ oc?

Earrooyn 14:27

Caïd nee’m gymmyrkey lesh y pobble roonagh shoh ta girree magh m’oï? Ta mee er chlashtyn plaiyntyn cloan Israel t’ad jannoo m’oï.

Noo Mian 11:28

Tar-jee hym’s ooilley shiuish ta deinagh as trome laadit, as neem’s shiu y ooraghey.

Noo Mian 12:39

Agh dreggyr eshyn, as dooyrt eh roo, Ta drogh heeloghe as neu-ghooghyssagh shirrey cowrey, agh cha bee cowrey erbee er ny chur daue, agh cowrey yn adeyr Jonas.

Noo Mian 12:45

Eisht t’eh goll, as cur lesh mârish shiaght spyrrydyn elley ta ny smessey na eh hene, as t’ad goll stiagh as cummal ayns shen: as ta stayd yerrinagh yn dooinney shen ny s’doogh na’n toshiaght. Eer myr shoh hig eh dy ve er y cheeloghe vee-chrauee shoh.

Noo Mian 16:4

She drogh heeloghe as neu-ghooghyssagh ta shirrey cowrey, as cha bee cowrey er ny chur daue, agh cowrey yn adeyr Jonas. As daag eh ad, as jimmee eh roish.

Noo Mian 17:17

Dansoor Yeesey as dooyrt eh, O heeloghe vee-chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Noo Mian 23:36

Dy firrinagh ta mee gra riu, Dy jig dy chooilley nhee jeu shoh er y cheeloghe shoh.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Noo Mark 10:14

Agh tra honnick Yeesey eh, v’eh feer jymmoosagh, as dooyrt eh roo, Sur-jee cloan aegey dy heet hym’s, as ny jean-jee ad y lhiettal: son jeh nyn lheid ta reeriaght Yee.

Noo Mark 10:49

As hass Yeesey, as doardee eh eh dy ve eït: as deïe ad er y dooinney doal, gra rish, Bee dy yien mie, irree; t’eh geamagh ort.

Noo Mark 9:19

Dreggyr eshyn as dooyrt eh, O heeloghe vee-chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Noo Luke 8:25

As dooyrt eh roo, Cre vel y credjue eu? As va aggle orroo, goaill yindys as gra ry-cheilley, Cre’n monney dy ghooinney eh shoh? son t’eh cur ny eer geayghyn as yn ushtey fo harey, as t’ad ayns biallys da.

Noo Luke 9:40

As ghuee mee er dty ostyllyn ad dy hilgey magh eh, agh cha daink eh lhieu.

Noo Luke 9:42

As myr v’eh foast cheet, cheau yn drogh-spyrryd sheese eh ayns strepyn: agh vaggyr Yeesey er y spyrryd neu-ghlen, as laanee eh yn lhiannoo, as livrey eh eh reesht gys e ayr.

Noo Ean 14:9

Dooyrt Yeesey rish, Vel mish er ve choud shen mêriu, as nagh nione dhyt’s mee foast, Philip? eshyn t’er n’akin mish, t’eh er vakin yn Ayr; as kys t’ou uss gra eisht, Jeeagh dooin yn Ayr?

Noo Ean 20:27

Eisht dooyrt eh rish Thomase, Sheeyn ayns shoh dty vair, as loaghtee my laueyn; as sheeyn dty laue, as cur ee stiagh ayns my lhiattee: as ny bee mee-chredjuagh, agh credjuagh.

Jannoo 13:18

As mysh da-eed bleïn dy hraa dymmyrk eh ayns yn aasagh lesh nyn ghrogh-ellyn.

Jannoo 2:40

As lesh ymmodee goan elley dymmyrk eh feanish as choyrlee eh, gra, Saue-jee shiu hene veih’n cheeloghe roonagh shoh.

Romanee 2:4

Ny vel oo soiaghey beg jeh berchys e vieys, as e veenid, as surranse-foddey, gyn toiggal dy vel mieys Yee dy dty leeideil gys arrys?

Deuteronomy 32:5

T’ad er n’yannoo ad hene neu-ghlen, ta’n vroïd oc neu-ghooghyssagh da’n chloan echeysyn: sheeloghe roonagh as camlaagagh ad.

Hebrewnee 3:19

Myr shen hee mayd nagh voddagh ad goll stiagh kyndagh rish mee-chredjue.

Hebrewnee 4:11

Lhig dooinyn er-y-fa shen streeu dy gholl stiagh ayns y fea shen er-aggle dy duitt dooinney erbee lurg y sampleyr cheddin dy vee-viallys.

Hebrewnee 4:2

Son dooinyn va’n sushtal er ny phreacheil chammah as dauesyn: agh cha row yn goo v’er ny phreacheil jeh vondeish erbee daue, tra nagh row credjue goll lesh ayndoosyn ren clashtyn eh.

Hebrewnee 7:25

Shen-y-fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.