Noo Luke 9:16 - Yn Vible Casherick 1775 1819

¹⁶ Eisht ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ad da e ostyllyn dy hoiaghey roish y pobble.

Yn Conaant Noa 1810

¹⁶ Eisht ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ad da e ostyllyn dy hoiaghey roish y pobble.

Noo Luke 9:16 ပူးပေါင်းရင်းမြစ်များ

Noo Mian 14:19

As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Noo Mian 15:36

As ghow eh ny shiaght bwilleenyn, as ny eeastyn, as hug eh booise, as vrish eh, as hug eh ad da e ostyllyn, as hirveish adsyn er y pobble ad.

Noo Mark 7:34

As yeeagh eh seose gys niau, as lhig eh osney, as dooyrt eh rish, Ephphatha, ta shen, Bee foshlit.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean-jee ayns cooinaghtyn jeem’s.

Noo Luke 24:30

As haink eh gy-kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 9:15

As ren ad shen, as hug ad orroo ooilley soie sheese.

Noo Luke 9:17

As ren ad ooilley gee, as v’ad er nyn yannoo magh: as hrog ad jeh’n fooilliagh daag ad, lane daa vaskad jeig.

Noo Ean 6:11

As ghow Yeesey ny bwilleenyn, as tra v’eh er chur booise, rheynn eh ad er e ostyllyn, as rheynn adsyn ad orroosyn myr v’ad soie; as myrgeddin jeh ny eeastyn wheesh as bailloo.

Noo Ean 6:23

(Ny-yeih va baatyn elley er jeet veih Tiberias, er-gerrey da’n boayl ren ad arran y ee ayn, erreish da’n Chiarn v’er chur booise.)

Jannoo 27:35

As tra v’eh er ghra shoh, ghow eh arran, as hug eh booise da Jee, ayns yn enish oc ooilley, as vrish eh eh, as ren eh toshiaght dy ee.

Romanee 14:6

Eshyn ta freaylley’n laa, t’eh freaylley eh gys y Chiarn; as eshyn nagh vel freaylley’n laa, gys y Chiarn cha vel eh dy reaylley eh. Eshyn ta gee, t’eh gee gys y Chiarn, son t’eh coyrt booise da Jee; as eshyn nagh vel gee, gys y Chiarn cha vel eh gee, as t’eh coyrt booise da Jee.

1 Corinthianee 10:30

Son, my ta mee liorish grayse goaill ayrn jeh, cre’n-fa ta mee oltooanit son shen ny ta mee er oltaghey?

1 Corinthianee 11:24

As tra v’eh er choyrt booise, vrish eh eh, as dooyrt eh, Gow-jee, ee-jee; shoh my chorp’s t’er ny vrishey er nyn son eu: jean-jee shoh ayns cooinaghtyn jeem’s.

1 Samuel 9:13

Cha leah’s hig shiu stiagh ’syn ard-valley yiow shiu eh chelleeragh, roish my jed eh seose gys yn ynnyd ard dy ee: son cha jean y pobble gee derrey hig eh, er-yn-oyr dy vel eh dy oltaghey’n oural, as eisht ta ny goaldee gee. Jean-jee siyr eisht; son mysh y traa shoh yiow shiu eh.