Noo Luke 8:44 - Yn Vible Casherick 1775 1819

⁴⁴ Haink ee shoh cheu e chooylloo, as venn ee rish oirr e gharmad: as chelleeragh hyrmee yn roie-folley eck.

Yn Conaant Noa 1810

⁴⁴ Haink ee shoh cheu e chooylloo, as venn ee rish oirr e gharmad: as chelleeragh hyrmee yn roie‐foalley eck.

Noo Luke 8:44 ပူးပေါင်းရင်းမြစ်များ

Exodus 15:26

As dooyrt eh, My nee oo geaishtagh dy tastagh rish coraa yn Chiarn dty Yee, as jannoo shen ny ta kiart ayns e hilley, as my ver oo geill da ny saraghyn echey, dy reaylley ooilley e lattyssyn; cha der-ym veg jeh ny doghanyn shen ort’s hug mee er ny Egyptianee: son mish y Chiarn ta cur dhyt dty lhaynt.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Mian 20:34

Myr shen va chymmey ec Yeesey orroo, as venn eh rish ny sooillyn oc: as chelleeragh hooar ny sooillyn oc nyn soilshey, as deiyr ad er.

Noo Mian 8:3

As heeyn Yeesey magh e laue, as venn eh rish, gra, My aigney’s eh, bee er dty ghlenney. As chelleeragh va’n louraanys echey er ny ghlenney.

Noo Mian 9:20

(As cur-my-ner haink ben cheu e chooylloo, va doghanit lesh roie-folley rish daa vleïn jeig, as venn ee rish oirr e gharmad.

Noo Mark 6:56

As raad erbee dy jagh eh, gys baljyn-cheerey, ny ard-valjyn, ny er y cheer, lhie ad yn vooinjer hingey ayns ny raaidyn, as ghuee ad er agh dy ventyn rish oirr e gharmad: as whilleen as venn rish, v’ad er nyn lheihys.

Noo Luke 13:13

As hug eh e laueyn urree; as er-y-chooyl v’ee er ny yannoo jeeragh, as ren ee Jee y ghloyraghey.

Noo Luke 7:38

As hass ee ec e chassyn cheu e chooylloo keayney, as ren ee toshiaght dy niee e chassyn lesh jeïr, as rub ee ad lesh folt e king, as phaag ee e chassyn, as ren ee ad y ooilaghey lesh yn ooil.

Noo Luke 8:43

As va ben va roie-folley er ve eck rish daa vleïn jeig, v’er vaarail ooilley e cooid-seihlt er fir-lhee, as cha daink eh lesh veg jeu ee y lheihys,

Noo Luke 8:45

As dooyrt Yeesey, Quoi venn rhym? Tra ren ooilley gobbal, dooyrt Peddyr, as adsyn va mârish, Vainshter, ta’n pobble chionney ort, as dy dty yingey, as t’ou uss gra, Quoi venn rhym?

Noo Ean 5:13

As cha row fys echeysyn v’er ny lheihys, quoi v’eh: son va Yeesey er gholl dy lhiattee, liorish dy row chaglym mooar dy leih ayns y voayl shen.

Jannoo 19:12

Myr shen dy dug ad lhieu veih’n chorp echey gys sleih chingey, bussallyn as apronyn, as hooar ad rea rish ny doghanyn oc, as hie ny drogh-spyrrydyn magh assdoo.

Jannoo 5:15

Ayns wheesh as dy dug ad lhieu magh ayns ny straidyn sleih chingey nyn lhie er lhiabbaghyn as lhiaghtyn, dy voddagh eer scadoo Pheddyr goll shaghey; cheet er paart jeu.

Deuteronomy 22:12

Nee oo dhyt hene fringeyn er kiare skianyn y gharmad t’ou dy cheau.