Noo Luke 8:30 - Yn Vible Casherick 1775 1819

³⁰ As dênee Yeesey jeh, gra, Cre’n ennym t’ort? As dooyrt eh, Legion: er-yn-oyr dy row ymmodee drogh-spyrrydyn er n’gholl stiagh ayn.

Yn Conaant Noa 1810

³⁰ As dênee Yeesey jeh, gra, Cre’n ennym t’oyrt? As dooyrt eh, Legion: er‐yn‐oyr dy row ymmodee drogh‐spyrrydyn er n’gholl stiagh ayn.

Noo Luke 8:30 ပူးပေါင်းရင်းမြစ်များ

Noo Mian 26:53

Vel uss smooinaghtyn nagh voddym’s nish guee gys my Ayr, as yinnagh eh chelleeragh hym erskyn daa legion jeig dy ainleyn?

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh-spyrrydyn, sleih ass nyn geeayl, as an-lheiltee, as ren eh ad y lheihys.

Noo Mian 8:29

As cur-my-ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey roish y traa?

Noo Mark 16:9

Nish tra va Yeesey er n’irree er moghrey yn chied laa jeh’n chiaghtin, hoilshee eh eh-hene hoshiaght da Moirrey Malaine, ass-jee v’eh er hilgey shiaght drogh-spyrrydyn.

Noo Mark 5:9

As dênee eh jeh, Cre’n ennym t’ort? As dreggyr eh, gra, Ta m’ennym Legion: son ta shin ymmodee.

Noo Luke 8:2

As shiartanse dy vraane, v’er nyn lheihys jeh drogh-spyrrydyn, as aslayntyn, Moirrey va enmyssit Malaine, ass-jee hie shiaght drogh-spyrrydyn,

Noo Luke 8:29

(Son v’eh er harey yn spyrryd neu-ghlen dy heet magh ass y dooinney. Son v’eh dy mennick er hoiaghey er: as v’eh freilt kianlt lesh geulaghyn, as ayns yiarnyn; as vrish eh ny geulaghyn, as v’eh er ny ve eiyrit liorish y drogh-spyrryd gys yn aasagh.)