Noo Luke 8:18 - Yn Vible Casherick 1775 1819

¹⁸ Cur-jee twoaie er-y-fa shen kys ta shiu clashtyn: son quoi-erbee ta echey, dasyn vees er ny choyrt; as quoi-erbee nagh vel echey, veihsyn vees er ny ghoaill eer shen hene er-lesh dy vel echey.

Yn Conaant Noa 1810

¹⁸ Cur‐jee twoaie er‐y‐fa shen kys ta shiu clashtyn: son quoi‐erbee ta echey, dasyn vees er ny choyrt; as quoi‐erbee nagh vel echey, veihsyn vees er ny ghoaill eer shen hene er‐lesh dy vel echey.

Noo Luke 8:18 ပူးပေါင်းရင်းမြစ်များ

Raaghyn Creeney 14:12

Ta raad ayn, as er-lesh dooinney dy vel eh jeeragh: agh ta’n jerrey echey raaidyn y vaaish.

Noo Mian 13:12

Son quoi-erbee ta echey, dasyn vees er ny choyrt, as bee towse s’feoiltey er ny choyrt da: agh quoi-erbee nagh vel echey, veihsyn vees shen ny ta echey, er ny ghoaill ersooyl.

Noo Mian 25:29

Son da dy chooilley ghooinney ta kuse echey vees er ny choyrt, as yiow eh ny smoo: agh veihsyn nagh vel echey vees er ny ghoaill ersooyl eer shen ny ta echey.

Noo Mark 13:14

Agh tra hee shiu eajeeid y traartys, ta loayrit jeh liorish Daniel y phadeyr, ny hassoo raad nagh lhisagh eh, (eshyn ta lhaih, lhig da tastey ghoaill) eisht lhig dauesyn t’ayns Judea chea gys ny sleityn.

Noo Luke 19:26

Son ta mee gra riu, Da dy chooilley unnane ta echey, vees er ny choyrt, as eshyn nagh vel echey, bee shen hene ny ta echey er ny ghoaill veih.

Noo Luke 9:44

Lhig da ny raaghyn shoh goll dowin ayns nyn glashtyn: son bee yn Mac dooinney er ny livrey gys laueyn deiney.

Noo Ean 15:2

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.

Jannoo 10:33

Chelleeragh er-y-fa shen hug mee fys ort: as t’ou er n’yannoo dy mie dy vel oo er jeet. Nish er-y-fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny-vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

1 Corinthianee 14:37

My ta dooinney erbee smooinaghtyn eh-hene ny adeyr, ny spyrrydoil, lhig da goaill rish ny reddyn ta mee dy scrieu hiu dy ve saraghyn y Chiarn.

1 Corinthianee 3:18

Ny lhig da dooinney erbee eh-hene y volley: My ta dooinney erbee ny-vud eu goaill er hene dy ve creeney ’sy theihll shoh, lhig da ve ny ommydan, dy vod eh ve creeney.

1 Corinthianee 8:2

As my ta dooinney erbee smooinaghtyn dy vel toiggal echey jeh nhee erbee, cha vel foast toiggal echey jeh nhee erbee myr lhisagh eh.

Philippianee 3:4

Ga dy voddin’s myrgeddin barrant y choyrt gys yn eill. My ta dooinney erbee elley smooinaghtyn dy vel oyr echey dy hreishteil ayns yn eill, ta ny smoo aym’s:

Hebrewnee 2:1

Shen-y-fa lhisagh shin tastey s’gyerey ’choyrt da ny reddyn ta shin er chlashtyn, er-aggle ec traa erbee dy jinnagh shin ad y yarrood.