Noo Luke 7:47 - Yn Vible Casherick 1775 1819

⁴⁷ Shen-y-fa ta mee gra rhyt, Ta ny peccaghyn eck ta ymmodee, er nyn leih jee: shen-y-fa wheesh shen smoo ta yn ghraih eck: agh dasyn ta beggan er ny leih, cha vel e ghraih agh beggan.

Yn Conaant Noa 1810

⁴⁷ Shen‐y‐fa ta mee gra rhyt, Ta ny peccaghyn eck ta ymmodee, er nyn leih jee: shen‐y‐fa wheesh shen smoo ta yn ghraih eck: agh dasyn ta beggan er ny leih, cha vel e ghraih agh beggan.

Noo Luke 7:47 ပူးပေါင်းရင်းမြစ်များ

Isaiah 1:18

Tar-jee nish, as lhig dooin pleadeil ry-cheilley, ta’n Chiarn dy ghra. Ga dy beagh nyn beccaghyn myr scarleod, bee ad gial myr sniaghtey; ga dy vel ad jiarg myr crimson, bee ad myr yn ollan vane.

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Ezekiel 16:63

Dy vod oo cooinaghtyn as ve dty host, as gyn dy bragh dty veeal y osley arragh er coontey dty nearey, tra ta mee coardit rhyt, son ooilley ny t’ou er n’yannoo, ta’n Chiarn Jee dy ghra.

Micah 7:19

Nee eh chyndaa reesht, nee eh chymmey y ghoaill j’in: ver eh nyn mee-chairys ass e hilley: as nee oo tilgey ooilley ny peccaghyn oc ayns diunid ny marrey.

Noo Mian 10:37

Eshyn ta ny s’graihee er ayr ny moir na orrym’s, cha vel eh feeu jee’m: as eshyn ta ny s’graihee er mac ny inneen na orrym’s, cha vel eh feeu jee’m.

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu-sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Noo Luke 7:46

My chione lesh ooil cha ren oo y ooilaghey: agh ta’n ven shoh er n’ooilaghey my chassyn lesh ooil.

Noo Luke 7:48

As dooyrt eh r’ee, Ta dty pheccaghyn er nyn leih dhyt.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Romanee 5:20

Agh haink y leigh stiagh, dy voddagh loght ve ny s’cronnal: agh raad vishee peccah, ren grayse bishaghey foddey smoo:

2 Corinthianee 5:14

Son ta graih Chreest dy êginaghey shin, er-y-fa dy nee myr shoh ta shin briwnys, my hooar un er baase son ooilley, eisht dy row ooilley marroo [ayns peccah:]

Galatianee 5:6

Son ayns Yeesey Creest, cha vel giarey-chymmylt jeh veg y vondeish, ny an-ghiarey-chymmylt, agh credjue ta gobbraghey liorish graih.

Ephesianee 6:24

Grayse dy row mâroosyn ooilley shynney lhieu yn Chiarn Yeesey Creest ayns ynrickys. Amen.

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

1 Timothy 1:14

As va grayse nyn Jiarn erskyn towse orrym, lesh credjue, as graih ta ayns Creest Yeesey.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 3:18

My chloan veggey, ny lhig dooin graih y choyrt ayns raa, ny ayns glare; agh ayns jannoo as ayns firrinys.

1 Ean 4:19

Ta graih ain ersyn, er-yn-oyr dy dug eshyn hoshiaght graih dooin.

1 Ean 5:3

Son shoh graih Yee, dy vreill mayd e annaghyn: as cha vel ny annaghyn echey trome.