Noo Luke 7:44 - Yn Vible Casherick 1775 1819

⁴⁴ As hyndaa eh gys y ven, as dooyrt eh rish Simon, Vel oo cur-my-ner yn ven shoh? Haink mee stiagh ayns dty hie’s, as cha dug oo dou ushtey son my chassyn: agh t’eeish er niee my chassyn lesh jeïr, as er jyrmagh ad lesh folt e king.

Yn Conaant Noa 1810

⁴⁴ As hyndaa eh gys y ven, as dooyrt eh rish Simon, Vel oo cur‐my‐ner yn ven shoh? Haink mee stiagh ayns dty hie’s as cha dug oo dou ushtey son my chassyn: agh t’eeish er niee my chassyn lesh jeïr, as er jyrmagh ad lesh folt e king.

Noo Luke 7:44 ပူးပေါင်းရင်းမြစ်များ

Genesis 18:4

Lhig da red beg dy ushtey, ta mee guee erriu, v’er ny choyrt lesh, as niee-jee nyn gassyn, as gow-jee nyn aash fo yn villey.

Genesis 19:2

As dooyrt eh, Cur-my-ner nish, my hiarnyn, chyndaa-jee stiagh, ta mee guee erriu, gys thie nyn sharvaant, as gow-jee aaght fud-ny-hoie, as niee-jee nyn gassyn, as nee shiu girree dy moghey, as goll er nyn yurnah. As dooyrt ad, Cha lhiass, agh fuirree mayd ’sy traïd fud-ny-hoie.

Genesis 43:24

As hug y dooinney lesh ny deiney stiagh ayns thie Yoseph, as hug eh ushtey daue, as niee ad nyn gassyn, as hug eh bee da ny assylyn oc.

2 Samuel 11:8

As dooyrt David rish Uriah, Gow sheese gys dty hie, as niee dty chassyn. As hie Uriah roish ass thie’n ree, as hug y ree lhongey dy vee geiyrt er.

Noo Luke 7:38

As hass ee ec e chassyn cheu e chooylloo keayney, as ren ee toshiaght dy niee e chassyn lesh jeïr, as rub ee ad lesh folt e king, as phaag ee e chassyn, as ren ee ad y ooilaghey lesh yn ooil.

Noo Luke 7:43

Dreggyr Simon as dooyrt eh, Er-lhiam dy nee eshyn, da smoo ren eh leih. As dooyrt eh rish, T’ou er vriwnys dy cairagh.

Noo Ean 13:5

Eisht hug eh ushtey ayns saagh, as ren eh toshiaght dy niee cassyn e ostyllyn, as dy rubbey ad lesh yn aanrit va ec e chryss.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

Jamys 2:6

Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill-vriwnys?

Briwnyn 19:21

Myr shen hug eh lesh eh stiagh ’sy hie, as hug eh foddyr da ny assylyn echey: as niee ad nyn gassyn, as ren ad gee as giu.

1 Samuel 25:41

As hass ee seose, as chroym ee e eddin gys y thalloo, as dooyrt ee, Cur-my-ner, lhig da dty inney-veyl ve sharvaant dy niee cassyn sharvaantyn my hiarn.