Noo Luke 7:40 - Yn Vible Casherick 1775 1819

⁴⁰ As dreggyr Yeesey, as dooyrt eh rish, Simon, ta red aym’s dy ghra rhyt. As dooyrt eh, Abbyr eh, vainshter.

Yn Conaant Noa 1810

⁴⁰ As dreggyr Yeesey, as dooyrt eh rish, Simon, ta red aym’s dy ghra rhyt, As dooyrt eh, Abbyr eh, vainshter.

Noo Luke 7:40 ပူးပေါင်းရင်းမြစ်များ

1 Reeaghyn 2:14

Dooyrt eh marish shen, Ta red ennagh aym dy ghra rhyt. As dooyrt ish, Abbyr eh.

Ezekiel 33:31

As t’ad cheet hood’s myr ta sleih cliaghtey cheet, as t’ad kiongoyrt rhyt myr my phobble’s, as t’ad clashtyn dty ghoan, agh cha vel ad cooilleeney ad: son lesh nyn meeal t’ad jeeaghyn lane graih, agh ta’n cree oc goll er-eiyrt nyn sayntyn.

Malachi 1:6

Ta mac arrymagh da e ayr, as ta sharvaant ammyssagh da e vainshtyr, my she ayr mee er-y-fa shen, cre vel my arrym? as my she mainshtyr mee, cre vel my ammys? ta Chiarn Jee ny flaunyssee dy ghra riuish haggyrtyn, ta soiaghey beg jeh my ennym’s, foast ta shiu gra, Cre ayn ta shin er hoiaghey beg jeh dty ennym’s?

Noo Mian 26:49

As chelleeragh haink eh gys Yeesey, as dooyrt eh, Dy vannee dhyt, Vainshter; as phaag eh eh.

Noo Mian 7:22

Jir ymmodee rhym’s ’sy laa shen, Hiarn, Hiarn, nagh vel shin er n’yannoo phadeyrys ayns dt’ennym’s? as ayns dt’ennym er chastey drogh-spyrrydyn? as ayns dt’ennym er n’yannoo ymmodee obbraghyn yindyssagh?

Noo Luke 18:18

As dênee fer-reill dy row jeh, gra, Vainshter vie, cre t’orrym dy yannoo dy vod eiraght y ve aym ayns y vea veayn?

Noo Luke 5:22

Agh va fys ec Yeesey er ny smooinaghtyn oc, as dreggyr eh, as dooyrt eh roo, Cre er ta shiu resooney ayns nyn greeaghyn?

Noo Luke 5:31

As dreggyr Yeesey as dooyrt eh roo, Cha vel feme ocsyn ta slane er yn er-lhee: agh ec sleih chingey.

Noo Luke 6:8

Agh va fys echeysyn er ny smooinaghtyn oc, as dooyrt eh rish y dooinney lesh y laue shyrgit, Irree seose as shass magh er y laare. As dirree eh, as hass eh magh.

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu-sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Noo Luke 7:41

Va dooinney dy row, as jees ayns lhiastynys da: va’n derrey yeh lhiastyn queig cheead ping, as y jeh elley jeih pingyn as da-eed.

Noo Ean 13:13

Ta shiu genmys mish nyn Mainshter, as Chiarn: as ta shiu gra dy mie; son she shen mee.

Noo Ean 16:19

Nish va fys ec Yeesey dy row ad aignagh dy ênaght jeh, as dooyrt eh roo, Vel shiu briaght nyn mast’ eu hene, er-y-fa dy dooyrt mee, Tammylt beg, as cha vaik shiu mee: as reesht, tammylt beg as hee shiu mee?

Noo Ean 16:30

Nish ta shin shickyr dy vel fys ayd er dy chooilley nhee, as nagh vel feme ayd dooinney erbee dy ênaght jeed: liorish shoh ta shin credjal dy daink oo magh veih Jee.

Noo Ean 3:2

Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer-ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.