Noo Luke 7:22 - Yn Vible Casherick 1775 1819

²² Eisht dreggyr Yeesey as dooyrt eh roo, Immee-jee reue, as insh-jee da Ean cre ny reddyn ta shiu er vakin as er chlashtyn, kys dy vel ny doail geddyn nyn soilshey, ny croobee shooyl, ny louraanee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boghtyn.

Yn Conaant Noa 1810

²² Eisht dreggyr Yeesey as dooyrt eh roo, Immee‐jee reue, as insh‐jee da Ean cre ny reddyn ta shiu er vakin as er chlashtyn, kys dy vel ny doail geddyn nyn soilshey, ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boghtyn.

Noo Luke 7:22 ပူးပေါင်းရင်းမြစ်များ

Lioar Yob 29:15

Va mee sooillyn da’n doal, as cassyn va mee da’n chroobagh.

Psalmyn 146:8

Ta’n Chiarn cooney lhieusyn t’er duittym: ta’n Chiarn goaill kiarail jeh’n vooinjer chairagh.

Isaiah 42:16

As ver-ym lhiam ny doail er raad nagh row nyn oayll; leeid-ym ad ayns cassanyn nagh bione daue: nee’m yn dorraghys y yannoo sollys rhymboo, as ny raaidyn cammey jeeragh. Ny reddyn shoh nee’m er nyn son, as cha dreig-ym ad.

Isaiah 43:8

Cur-jee lhieu magh yn pobble doal ta sooillyn oc, as ny beuyr ta cleayshyn oc.

Jeremiah 31:8

Cur-my-ner, ver-ym lhiam ad veih’n cheer twoaie, as nee’m ad y haglym veih ardjyn sodjey magh y thallooin, as mâroosyn y doal as y baccagh, y ven torragh, as ish ta er-gerrey da’n traa dy cheilley: nee sheshaght vooar chyndaa reesht gys shen.

Zephaniah 3:12

Faag-yms myrgeddin ayns y vean ayd’s pobble treih as seaghnit, as ver ad nyn marrant er ennym y Chiarn.

Noo Mian 11:5

Ta ny doail geddyn nyn soilshey, as ny croobee shooyl, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 21:14

As haink ny doail as ny croobee huggey gys y chiamble, as ren eh ad y lheihys.

Noo Luke 4:18

Ta spyrryd y Chiarn orrym’s, er-y-fa dy vel eh er my ooilaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome-chreeagh, dy phreacheil livrey-ys gys ny cappeeyn, dy chur soilshey da ny doail, as reamys dauesyn ta broojit,

Noo Luke 7:21

As ayns yn oor cheddin v’eh lheihys ymmodee jeh ny aslayntyn as ny doghanyn, as ny drogh-spyrrydyn oc, as da ymmodee va doal v’eh coyrt soilshey.

Noo Luke 7:23

As bannit ta eshyn nagh jean beg y hoiaghey jeem’s.

Noo Ean 1:46

As dooyrt Nathanael rish, Vod nhee erbee mie cheet magh ass Nazareth? Dooyrt Philip rish, Tar royd as hee oo.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid-ny-hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Jannoo 8:7

Son va Spyrrydyn neu-ghlen, geamagh lesh ard-choraa, cheet magh ass ymmodee va seaghnit lhieu: as va ymmodee va’n palsee orroo, as va baccagh er ny lheihys.

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?