Noo Luke 7:19 - Yn Vible Casherick 1775 1819

¹⁹ As deïe Ean er jees jeh e ynseydee, as hug eh ad er chaghteraght gys Yeesey, gra, Nee uss Eh va ry-hoi cheet, ny vel shin dy yeeaghyn son fer elley?

Yn Conaant Noa 1810

¹⁹ As deïe Ean er jees jeh e ynseydee, as hug eh ad er chaghteraght gys Yeesey, gra, Nee uss Eh va ry‐hoi cheet, ny vel shin dy yeeaghyn son fer elley?

Noo Luke 7:19 ပူးပေါင်းရင်းမြစ်များ

Genesis 22:18

As ayns dty luight, vess ooilley ashoonyn y theihll er nyn mannaghey: er-y-fa dy vel oo er choyrt biallys da my choraa.

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Genesis 49:10

Cha jean y lorg-reill failleil veih Judah, ny fer-toyrt y leigh veih e luight, derrey nee Shiloh cheet: as huggeysyn, vees ny ashoonee er nyn jaglym stiagh.

Isaiah 11:1

As hig magh slatt ass bun Yesse, as aasee banglane ass ny fraueyn echey:

Isaiah 7:14

Shen-y-fa ver y Chiarn hene cowrey diu: Cur-my-ner, nee moidyn gientyn, as mac y choyrt son y theihll, as bee eh enmyssit Immanuel.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Haggai 2:7

As neem’s craa dy chooilley ashoon, as nee yeearree dy chooilley ashoon cheet, as lhieen-yms y thie shoh lesh gloyr, ta Chiarn ny flaunyssee dy ghra.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Mark 6:7

As deïe eh er y daa ostyl yeig huggey, as ren eh toshiaght dy chur ad magh jees as jees, as hug eh daue pooar harrish spyrrydyn neu-ghlen,

Noo Luke 10:1

Ny lurg shoh, doardee yn Chiarn three-feed as jeih elley, as hug eh ad magh jees as jees roish hene, gys dy chooilley ard-valley as ynnyd, raad v’eh hene ry-hoi cheet.

Noo Luke 11:1

As haink eh gy-kione, myr v’eh ec padjer ayns ynnyd dy row, tra daag eh jeh, dy dooyrt fer jeh e ostyllyn rish, Hiarn, ynsee dooinyn dy ghoaill padjer, myr dynsee Ean myrgeddin da ny ynseydee echeysyn.

Noo Luke 11:39

As dooyrt y Chiarn rish, Nish ta shiuish Phariseeyn glenney yn cappan as y claare er cheu-mooie: agh ta’n cheu-sthie eu lane dy hranlaase as dy olkys.

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er-reill er lught e hie, dy hirveish orroo nyn meaghey ayns traa cooie?

Noo Luke 13:15

Eisht dreggyr y Chiarn eh, gra, Er-crauee-oalsey, nagh vel dagh fer jiuish er y doonaght feaysley e ghow ny e assyl veih’n staik, as dy chur lesh magh dy ushtaghey eh?

Noo Luke 17:5

As dooyrt ny ostyllyn rish y Chiarn, Bishee yn credjue ainyn.

Noo Luke 17:6

As dooyrt y Chiarn, Dy beagh credjue eu myr grine dy rass mustard, oddagh shiu gra rish y billey-sycamine shoh, Bee er dty hayrn ass ny fraueyn, as bee er dty hoiaghey ayns y cheayn; as yinnagh eh biallys diu.

Noo Luke 18:6

As dooyrt y Chiarn, Clasht-jee cre ta’n briw neu-chairagh dy ghra.

Noo Luke 19:8

As hass Zaccheus magh, as dooyrt eh rish y Chiarn, Cur-my-ner, Hiarn, yn derrey lieh jeh my chooid ta mee dy choyrt da ny boghtyn: as my ta mee er ghoaill red erbee dy molteyragh veih dooinney erbee, ta mee jannoo lhiassaghey kiare-filley da.

Noo Luke 22:61

As hyndaa yn Chiarn, as yeeagh eh er Peddyr; as chooinee Peddyr er yn ockle va’n Chiarn er ghra rish, Roish gerrym y chellee, nee uss mish y obbal three keayrtyn.

Noo Luke 24:34

Dooyrt roo, Ta’n Chiarn er n’irree son shickyrys, as v’eh er ny akin liorish Simon.

Noo Luke 7:13

As tra honnick y Chiarn ee, va chymmey echey urree, as dooyrt eh r’ee, Ny jean keayney.

Noo Luke 7:20

Tra va ny deiney er jeet huggey, dooyrt ad, Ta Ean Bashtey er nyn goyrt shin dy ênaght jeed, Nee uss Eh va ry-hoi cheet, ny vel shin dy yeeaghyn son fer elley?

Noo Ean 11:2

(She yn Voirrey cheddin v’ayn, ish ren ooilaghey yn Chiarn, as rub ny cassyn echey lesh e folt, yn braar eck Lazarus va ching.)

Noo Ean 4:1

Tra va fys ec y Chiarn er-y-fa shen, kys va ny Phariseeyn er chlashtyn dy row Yeesey jannoo as bashtey ny sliee dy eiyrtyssee na va Ean.

Noo Ean 4:25

Dooyrt y ven rish, Ta fys aym dy vel Messias cheet ta enmyssit Creest: tra hig eshyn, inshee eh dooin dy chooilley nhee.

Noo Ean 6:23

(Ny-yeih va baatyn elley er jeet veih Tiberias, er-gerrey da’n boayl ren ad arran y ee ayn, erreish da’n Chiarn v’er chur booise.)

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.