Noo Luke 7:16 - Yn Vible Casherick 1775 1819

¹⁶ As haink aggle orroo ooilley: as hug ad moylley da Jee, gra, Ta phadeyr mooar er n’irree seose ny mast’ ain; as, Ta Jee er yeeaghyn er e phobble.

Yn Conaant Noa 1810

¹⁶ As haink aggle orroo ooilley; as hug ad moylley da Jee, gra, Ta phadeyr mooar er n’irree seose ny mast’ ain; as, Ta Jee er yeeaghyn er e phobble.

Noo Luke 7:16 ပူးပေါင်းရင်းမြစ်များ

Psalmyn 65:9

T’ou jeeaghyn er y thalloo, as dy vannaghey eh: t’ou jannoo eh feer vessoil.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Jeremiah 33:9

As bee eh dooys ennym dy voggey, moylley as ooashley mastey ooilley ashoonyn y thallooin, nee clashtyn jeh ooilley my vieys ta mish dy yannoo daue: as gowee ad aggle, as bee ad er-creau, son ooilley ny bannaghtyn, as ooilley yn vaynrys, ta mee dy chosney daue.

Noo Mian 15:31

Ayns wheesh as dy ghow ooilley’n pobble yindys, tra honnick ad ny balloo loayrt, ny baccee slane, ny croobee shooyl, as ny doail fakin, as ren ad Jee Israel y ghloyraghey.

Noo Mian 21:11

Dooyrt y pobble, Shoh Yeesey yn phadeyr, ta veih Nazareth ayns Galilee.

Noo Mian 28:8

As jimmee ad dy tappee veih’n oaie lesh aggle as boggey mooar, as roie ad dy chur lhieu yn naight gys e ostyllyn.

Noo Mian 9:8

Agh tra honnick y pobble shoh, ghow ad yindys, as hug ad moylley da Jee, v’er choyrt lheid y phooar da deiney.

Noo Luke 1:65

As huitt aggle [arrymagh] er ooilley nyn naboonyn: as hie goo jeh ooilley ny reddyn shoh magh trooid ooilley cheer sleitagh Yudea.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 19:44

As lhieggee ad oo kiart rish y thalloo, as dty chloan cheu-sthie jeed; as cha vaag ad aynyd un chlagh er clagh elley: er-yn-oyr nagh dug oo tastey da’n earish haink mish dy dty yeeaghyn.

Noo Luke 2:20

As haink ny bochillyn roue, cur gloyr as moylley da Jee son dy chooilley nhee v’ad er chlashtyn as er vakin, myr ve inshit daue.

Noo Luke 24:19

As dooyrt eh, Cre ny reddyn? As dooyrt adsyn rish, Mychione Yeesey dy Nazareth, va ny adeyr, as pooaral ayns jannoo as goo, kiongoyrt rish Jee; as ooilley yn pobble:

Noo Luke 5:26

As ghow ad ooilley lane yindys, as ren ad Jee y ghloyraghey, as v’ad lhieent lesh aggle, gra, Ta shin er vakin reddyn yindyssagh jiu.

Noo Luke 5:8

Tra honnick Simon Peddyr shoh, huitt eh sheese ec glioonyn Yeesey, gra, Immee voym, son ta mee my ghooinney peccoil, O Hiarn.

Noo Luke 7:15

As hoie yn dooinney marroo seose, as ren eh toshiaght dy loayrt: as livrey eh eh gys e voir.

Noo Luke 7:39

Nish yn Pharisee ren y chuirrey eh, tra honnick eh shoh, loayr eh cheu-sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Noo Luke 8:37

Eisht ren y slane chaglym jeh cheer ny Gadarenee mygeayrt, guee er eh dy gholl roish: son va aggle mooar er duittym orroo: as hie eh er-board yn lhong, as hyndaa eh back reesht.

Noo Luke 9:19

Dreggyr adsyn, as dooyrt ad, Ean Bashtey: agh ta paart gra, Elias: as paart elley, dy vel fer jeh ny shenn adeyryn er n’irree reesht.

Noo Ean 1:21

As dênee ad jeh, Quoi eisht? Nee oo Elias? As dooyrt eshyn, Cha nee. Nee oo yn phadeyr shen? As dansoor eh, Cha nee.

Noo Ean 1:25

As dênee ad jeh, as dooyrt ad rish, Cre’n-fa t’ou bashtey eisht mannagh nee oo yn Creest, ny Elias, ny’n phadeyr shen?

Noo Ean 4:19

Dooyrt y ven rish, Vainshter, ta mee cur tastey dy nee phadeyr oo.

Noo Ean 6:14

Eisht dooyrt ny deiney shen, tra v’ad er vakin y mirril va Yeesey er n’yannoo. She shoh ayns firrinys yn phadeyr shen va ry-hoi cheet gys y theihll.

Noo Ean 9:17

Dooyrt ad rish y dooinney doal reesht, Cre t’ou uss dy ghra my-e-chione, dy doshil eh dty hooillyn? Dooyrt eh, She phadeyr eh.

Jannoo 5:5

Tra cheayll Ananias ny goan shoh, huitt eh harrish, as hooar eh baase: as haink aggle mooar orroosyn ooilley cheayll ny reddyn shoh.

Jannoo 7:37

Shoh va’n Moses cheddin dooyrt rish cloan Israel, Phadeyr nee yn Chiarn y Jee eu y hroggal seose diu jeh nyn mraaraghyn, casley rhym’s; dasyn v’er shiu geill.

Galatianee 1:24

As ren ad Jee y ghloyraghey er my lieh.

Deuteronomy 18:15

Phadeyr nee’n Chiarn dty Yee troggal seose dhyt veih ny mast’ eu, jeh dty vraaraghyn, casley rhym’s, rishyn nee shiu geaishtagh.