Noo Luke 7:12 - Yn Vible Casherick 1775 1819

¹² Nish tra haink eh er-gerrey da giat yn ard-valley, cur-my-ner, va sleih cur lhieu magh dooinney marroo, va ny ynrycan mac da e voir, as v’eeish ny ben-treoghe: as va ymmodee jeh sleih yn ard-valley mâree.

Yn Conaant Noa 1810

¹² Nish tra haink eh er‐gerrey da giat yn ard‐valley, cur‐my‐ner, va sleih cur lhieu magh dooinney marroo, va ny ynrycan vac da e voir, as v’eeish ny ben‐treoghe: as va ymmodee jeh sleih yn ard‐valley mâree.

Noo Luke 7:12 ပူးပေါင်းရင်းမြစ်များ

Genesis 22:12

As dooyrt eh, Ny cur dty laue er y ghuilley, chamoo jean red erbee rish: son nish ta fys aym, dy vel oo goaill aggle roish Jee, fakin nagh vel oo er vreayll dty vac, dty ynrycan vac, voym’s.

Genesis 22:2

As dooyrt eh, Gow nish dty vac, eer dty ynrycan vac Isaac, eh shynney lhiat, as fow royd gys cheer Moriah; as cheb eh ayns shen son oural-losht er unnane jeh ny sleityn neem’s y hoilshaghey dhyt.

2 Samuel 14:7

As cur-my-ner, ta’n slane kynney er n’irree noi dty harvaant, as dooyrt ad, Livrey seose eshyn woaill e vraar, dy vod mayd y vioys echeysyn ’ghoaill, son bioys e vraarey hug eh gy-baase; as ver mayd yn eirey gy-kione myrgeddin: as myr shoh moghee ad my smarage t’er-mayrn, as cha vaag ad da my heshey edyr ennym ny sluight er y thalloo.

1 Reeaghyn 17:12

As dooyrt ee, Myr ta’n Chiarn dty Yee bio, cha vel wheesh berreen aym, agh lane doarn dy veinn ayns barrel, as red beg dy ooil ayns saagh: as cur-my-ner, ta mee chaglym brasnagyn, dy voddym goll stiagh dy aarlaghey eh er my hon hene as my vac, dy vod mayd gee eh, as baase y gheddyn.

1 Reeaghyn 17:18

As dooyrt ee rish Elijah, Cre ta mee er n’yannoo rhyt’s, O uss ghooinney dy Yee? vel oo er jeet hym’s dy eamagh er my pheccah gys cooinaghtyn, as dy ve baase my vac?

1 Reeaghyn 17:23

As ghow Elijah yn lhiannoo, as hug eh lesh neose eh ass y chiamyr stiagh ’sy thie, as livrey eh eh gys e voir: as dooyrt Elijah, Jeeagh, ta dty vac bio!

1 Reeaghyn 17:9

Irree, as immee royd gys Sarepta, ta bentyn gys Zidon, as fuirree ayns shen: cur-my-ner ta mee er chur sarey da ben-treoghe dy choyrt beaghey dhyt ayns shen.

2 Reeaghyn 4:16

As dooyrt eh, Veih’n imbagh shoh ayns y traa cooie, nee uss mac y ymmyrkey. As dooyrt ee, Guee-ym ort, my hiarn, uss ghooinney dy Yee, ny jean craidey mysh dty harvaant.

2 Reeaghyn 4:20

As erreish da v’er ghoaill eh, as er chur lesh eh gys e voir, hoie eh er e glioonyn derrey’n vun-laa, as eisht phaart eh.

Lioar Yob 29:13

Haink orrym’s y bannaght echeysyn va aarloo dy herraghtyn: as hug mee er cree yn ven-treoghe dy ghoaill arrane son boggey.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Noo Luke 7:11

As haink eh gy-kione yn laa er-giyn, dy jagh eh gys ard-valley va enmyssit Nain; as hie ymmodee jeh e ynseydee mârish, as mooarane sleih.

Noo Luke 7:13

As tra honnick y Chiarn ee, va chymmey echey urree, as dooyrt eh r’ee, Ny jean keayney.

Noo Luke 8:42

Son va un ynrycan inneen echey, va mysh daa vleïn jeig dy eash, as v’ee raad y vaaish. (Agh myr v’eh goll, va’n pobble chionney er.

Noo Luke 8:52

As v’ad ooilley keayney, as jannoo dobberan er e son: agh dooyrt eshyn, Ny jean-jee keayney; cha vel ee marroo, agh ny cadley.

Noo Ean 11:19

As va ymmodee jeh ny Hewnyn er jeet magh gys Martha as Moirrey, dy gherjaghey ad son nyn mraar.

Jannoo 9:39

Eisht hrog Peddyr er, as hie eh mâroo. Tra v’eh er jeet, hug ad lhieu eh seose ’syn ard-shamyr: as hass ooilley ny mraane-treoghe mygeayrt-y-mysh keayney, as jeeaghyn da ny cooatyn as ny garmadyn va Dorcas er n’yannoo, choud as v’ee er-mayrn mâroo.

Jannoo 9:41

As ghow eh ee er y laue, as hrog eh seose ee: as tra v’eh er n’eamagh er ny nooghyn as ny mraane-treoghe, ren eh soiaghey ee kiongoyrt roo bio.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.