Noo Luke 6:8 - Yn Vible Casherick 1775 1819

⁸ Agh va fys echeysyn er ny smooinaghtyn oc, as dooyrt eh rish y dooinney lesh y laue shyrgit, Irree seose as shass magh er y laare. As dirree eh, as hass eh magh.

Yn Conaant Noa 1810

⁸ Agh va fys echesyn er ny smooinaghtyn oc, as dooyrt eh rish y dooinney lesh y laue shyrgit, Irree seose as shass magh er y laare. As dirree eh, as hass eh magh.

Noo Luke 6:8 ပူးပေါင်းရင်းမြစ်များ

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Lioar Yob 42:2

Ta fys aym dy vod oo dy chooilley nhee y yannoo, as nagh vod smooinaghtyn erbee ve gyn-yss dhyt.

Psalmyn 44:21

My ta shin er yarrood ennym y Jee ain, as er chummal seose nyn laueyn gys Jee erbee joarree: nagh jean Jee eh y ronsaghey magh? son ta fys echey er eer folliaghtyn y chree.

Isaiah 42:4

Cha jean eh failleil ny coayl e chree, derrey t’eh er hoiaghey seose briwnys er y thalloo: as nee ny ellanyn farkiaght son e leigh.

Noo Mian 9:4

As Yeesey toiggal ny smooinaghtyn oc, dooyrt, Cre’n-fa ta drogh smooinaghtyn troggal ayns ny creeaghyn eu?

Noo Mark 3:3

As dooyrt eh rish y dooinney lesh y laue shyrgit, Shass magh.

Noo Luke 13:12

As tra honnick Yeesey ee, deïe eh urree huggey, as dooyrt eh r’ee, Ven, t’ou er dty eaysley veih dty ghoghan.

Noo Luke 5:22

Agh va fys ec Yeesey er ny smooinaghtyn oc, as dreggyr eh, as dooyrt eh roo, Cre er ta shiu resooney ayns nyn greeaghyn?

Noo Luke 6:9

Eisht dooyrt Yeesey roo, Fên-yms un red jiuish, Vel eh lowal er laghyn y doonaght dy yannoo mie, ny dy yannoo olk? dy hauail bioys, ny dy stroie eh?

Noo Ean 2:25

As nagh row feme echey er unnane erbee dy ymmyrkey feanish jeh dooinney: son va fys echey cre va ayns dooinney.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar-seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Noo Ean 9:4

Shegin dooys gobbraghey ny obbraghyn echeysyn t’er my choyrt, choud as ta’n laa ayn: ta’n oie cheet tra nagh vod dooinney erbee gobbraghey.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 26:26

Son ta toiggal ec y ree jeh ny reddyn shoh, kiongoyrt rish er-y-fa shen ta mee loayrt dy arryltagh: son er-lhiam nagh vel veg jeh ny reddyn shoh keillit veihsyn; son cha row yn obbyr shoh jeant ayns corneil.

Philippianee 1:28

As gyn ve agglit ayns nhee erbee liorish nyn noidyn: yn chooid cheddin ta dauesyn cowrey cronnal dy hoyrt-mow, agh diuish dy haualtys, as shen veih Jee.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

1 Peddyr 4:1

Ayns wheesh eisht as dy vel Creest er hurranse er nyn son ayns yn eill, bee-jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.