Noo Luke 6:6 - Yn Vible Casherick 1775 1819

⁶ As haink eh gy-kione er doonaght elley, dy jagh eh stiagh ayns y synagogue, as dy dynsee eh: as va dooinney ayns shen va’n laue yesh echey er shyrgaghey.

Yn Conaant Noa 1810

⁶ As haink er gy‐kione er doonaght elley, dy jagh eh stiagh ayns y synagogue, as dy dynsee eh: as va dooinney ayns shen va’n laue yesh echey er shyrgaghey.

Noo Luke 6:6 ပူးပေါင်းရင်းမြစ်များ

1 Reeaghyn 13:4

As haink eh gy-kione, tra cheayll ree Jeroboam raa yn dooinney dy Yee, v’eh er n’ockley magh noi’n altar ayns Beth-el, dy heeyn eh magh e laue veih’n altar, gra, Gow-jee greme er. As va e laue, heeyn eh magh n’oï, shirkit seose, myr shen nagh voddagh eh tayrn eh stiagh huggey reesht.

Zechariah 11:17

Smerg da’n bochilley liastey, ta treigeil e hioltane! bee yn cliwe er e roih, as er e hooill yesh: nee yn roih echey fargagh, as bee’n sooill yesh echey doo dorraghey.

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Luke 13:10

As v’eh gynsaghey ayns unnane jeh ny synagogueyn er y doonaght.

Noo Luke 14:3

As dreggyr Yeesey, as loayr eh rish fir-ynsee yn leigh as rish ny Phariseeyn, gra, Vel eh lowal dy lheihys er laa yn doonaght?

Noo Luke 4:16

As haink eh gys Nazareth, raad v’eh er ny ve troggit: as hie eh, myr v’eh cliaghtey, stiagh ayns y synagogue er laa yn doonaght, as hass eh seose dy lhaih.

Noo Luke 4:31

As haink eh neose gys Capernaum, ard-valley dy Ghalilee, as dynsee eh ad er laghyn y doonaght.

Noo Luke 6:1

As haink eh gy-kione er y chied doonaght lurg yn nah laa jeh’n chaisht, myr v’eh goll trooid ny magheryn arroo, dy ren e ynseydee ny jeeassyn y phluckey, as rubbey yn arroo assdoo ayns nyn laueyn ren ad gee jeh.

Noo Luke 6:5

As dooyrt eh roo, Dy row yn Mac dooinney ny Hiarn myrgeddin er y doonaght.

Noo Ean 5:3

Ayndoo shoh va nyn lhie ymmodee dy leih dourinagh, doail, baccee, shirgeydee, as v’ad fieau er gleashaght yn ushtey.

Noo Ean 9:16

Shen-y-fa dooyrt paart jeh ny Phariseeyn, Cha vel y dooinney shoh veih Jee, er-yn-oyr nagh vel eh freayll yn doonaght. Dooyrt feallagh elley, Kys oddys dooinney ta ny ghrogh-yantagh lheid ny mirrilyn y yannoo? As va streeu nyn mast’ oc.