Noo Luke 5:22 - Yn Vible Casherick 1775 1819

²² Agh va fys ec Yeesey er ny smooinaghtyn oc, as dreggyr eh, as dooyrt eh roo, Cre er ta shiu resooney ayns nyn greeaghyn?

Yn Conaant Noa 1810

²² Agh va fys ec Yeesey er ny smooinaghtyn oc, as dreggyr eh, as dooyrt eh roo, Cre er ta shiu resooney ayns nyn greeaghyn?

Noo Luke 5:22 ပူးပေါင်းရင်းမြစ်များ

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 139:2

T’ou uss mygeayrt my chassan, as mygeayrt my lhiabbee: as fakin ooilley my raaidyn.

Raaghyn Creeney 15:26

Ta smooinaghtyn ny mee-chrauee feohdoil da’n Chiarn: agh s’eunyssagh ny goan ta cheet veih cree glen.

Isaiah 66:18

Son shione dou ny obbraghyn as ny smooinaghtyn oc: hig eh gy-kione, dy jean-yms chaglym dy chooilley ashoon as glare; as hig ad, as ver ad my-ner my ghloyr.

Ezekiel 38:10

Myr shoh ta’n Chiarn Jee dy ghra, Hig eh gy-kione myrgeddin ec y traa shen hene, dy jig smooinaghtyn ayns dty aigney, as gowee oo drogh-ourys.

Noo Mian 12:15

Agh tra va fys ec Yeesey er, jimmee eh veih shen: as deiyr earrooyn mooarey dy leih er, as ren eh ad ooilley y lheihys.

Noo Mian 12:25

As Yeesey toiggal ny smooinaghtyn oc, dooyrt roo, Ta dy chooilley reeriaght ta girree-magh n’oï hene goll naardey: as ard-valley ny thie erbee ta girree-magh fo-my-cheilley, cha vod ad shassoo.

Noo Mian 9:4

As Yeesey toiggal ny smooinaghtyn oc, dooyrt, Cre’n-fa ta drogh smooinaghtyn troggal ayns ny creeaghyn eu?

Noo Mark 8:17

As tra va fys ec Yeesey er, dooyrt eh roo, Cre’n-fa ta shiu arganey ny-vud eu hene, son nagh vel arran eu? nagh vel shiu foast cur tastey, ny toiggal? vel y cree eu foast moal ayns tushtey?

Noo Luke 24:38

As dooyrt eh roo, Cre’n-fa ta shiu seaghnit, as cre’n-fa ta mee-ourys troggal ayns nyn greeaghyn?

Noo Luke 5:21

As ren ny scrudeyryn as ny Phariseeyn toshiaght dy phleadeil ry-cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny-lomarcan?

Noo Luke 5:23

Quoi sassey dy ghra, Ta dty pheccaghyn er nyn leih dhyt, ny dy ghra, Irree seose as shooill?

Jannoo 5:3

Agh dooyrt Peddyr; Ananias, cre’n-fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Hebrewnee 4:12

Son ta goo Yee bioal, as breeoil, as ny s’gyerey na cliwe erbee dy ghaa foyr, roie trooid gys eer rheynn veih-my-cheilley yn annym as y spyrryd, as ny juntyn as y smuir, as ronsaghey magh smooinaghtyn as kiarailyn y chree.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.