Noo Luke 5:21 - Yn Vible Casherick 1775 1819

²¹ As ren ny scrudeyryn as ny Phariseeyn toshiaght dy phleadeil ry-cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny-lomarcan?

Yn Conaant Noa 1810

²¹ As ren ny scrudeyryn as ny Phariseeyn toshiaght dy phleadeil ry‐cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny lomarcan?

Noo Luke 5:21 ပူးပေါင်းရင်းမြစ်များ

Psalmyn 103:3

Ta leih ooilley dty pheccah: as slaanaghey ooilley dty ghoghanyn;

Psalmyn 130:4

Agh mayrt’s ta myghin: shen-y-fa bee aggle er ny ghoaill royd.

Psalmyn 32:5

Goym rish my pheccah hood’s: as my neu-chairys cha vel mee er cheiltyn.

Psalmyn 35:5

Bee ad myr y joan roish y gheay: as ainle y Chiarn dyn skeayley ad.

Isaiah 1:18

Tar-jee nish, as lhig dooin pleadeil ry-cheilley, ta’n Chiarn dy ghra. Ga dy beagh nyn beccaghyn myr scarleod, bee ad gial myr sniaghtey; ga dy vel ad jiarg myr crimson, bee ad myr yn ollan vane.

Isaiah 43:25

Mish, dy jarroo mish hene eh, ta leih dhyt dty loghtyn er my ghraih hene, as cha gooin-ym er dty pheccaghyn.

Isaiah 44:22

Ta mee er gholley dty ghrogh-yannoo myr bodjal dorraghey, as dty pheccaghyn myr kay: chyndaa hym’s; son mish t’er dty livrey.

Daniel 9:19

O Hiarn eaisht rooin, O Hiarn leih dooin, O Hiarn cur dooin clashtyn, as jean er nyn son, ny lhig shaghey, er dty ghraih hene, O my Yee: son ta dty ard-valley, as dty phobble goll fo dty ennym.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Leviticus 24:16

As eshyn ta loayrt goan mollaghtagh noi ennym y Chiarn, bee eh dy shickyr er ny choyrt gy-baase; nee ooilley’n pobble dy shickyr eshyn y chlaghey; bee chammah yn joarree, as eshyn ta ruggit ’sy cheer, tra t’eh goltooaney ennym y Chiarn, er ny choyrt gy-baase.

Micah 7:19

Nee eh chyndaa reesht, nee eh chymmey y ghoaill j’in: ver eh nyn mee-chairys ass e hilley: as nee oo tilgey ooilley ny peccaghyn oc ayns diunid ny marrey.

Noo Mian 26:65

Eisht raip yn ard-saggyrt e choamrey, gra, T’eh er loayrt goan mollaghtagh, cre’n feme sodjey t’ain er feanishyn? cur-my-ner, nish ta shiu er chlashtyn e ghoan-mollaghtagh.

Noo Mian 9:3

Er shoh, dooyrt shiartanse jeh ny scrudeyryn roo hene, T’eh shoh loayrt goan mollaghtagh.

Noo Luke 3:8

Cur-jee magh nish er-y-fa shen messyn cooie dy arrys, as ny jean-jee toshiaght dy ghra riu hene, Ta Abraham ain son nyn ayr: son ta mee gra riu, dy vel pooar ec Jee eer jeh ny claghyn shoh cloan y hroggal seose da Abraham.

Noo Luke 5:17

As haink eh gy-kione laa dy row, myr v’eh gynsaghey, dy row Phariseeyn as fir-ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Noo Luke 5:22

Agh va fys ec Yeesey er ny smooinaghtyn oc, as dreggyr eh, as dooyrt eh roo, Cre er ta shiu resooney ayns nyn greeaghyn?

Noo Luke 7:49

As ren y vooinjer va nyn soie ec bee mârish, toshiaght dy ghra cheu-sthie jeu hene, Quoi eh shoh ta myrgeddin leih peccaghyn?

Noo Ean 10:33

Dreggyr ny Hewnyn eh, gra, Son obbyr vie cha vel shin dy dty chlaghey; agh son goan mollaghtagh, as er-yn-oyr dy vel uss, ta dty ghooinney, jannoo oo hene Jee.

Romanee 8:33

Quoi ver nhee erbee gys lieh cloan reiht Yee? she Jee ta seyrey: