Noo Luke 5:19 - Yn Vible Casherick 1775 1819

¹⁹ As tra nagh row saase erbee oc dy chur lhieu stiagh eh kyndagh rish chennid y phobble, hie ad seose er mullagh y thie, as lhig ad sheese ny hrooid, eh-hene as e lhiabbee, er y laare kiongoyrt rish Yeesey.

Yn Conaant Noa 1810

¹⁹ As tra nagh row saase erbee oc dy chur lhieu stiagh eh kyndagh rish chennid y phobble, hie ad seose er mullagh y thie, as lhig ad sheese ny hrooid, eh hene as e lhiabbee, er y laare kiongoyrt rish Yeesey.

Noo Luke 5:19 ပူးပေါင်းရင်းမြစ်များ

2 Samuel 11:2

As haink eh gy-kione er fastyr dy row, dy dirree David veih e lhiabbee, as huill eh er mullagh thie’n ree: as veih’n vullagh honnick eh ben faarkey ee-hene; as va’n ven feer aalin dy yeeaghyn urree.

Jeremiah 19:13

As bee thieyn Yerusalem, as thieyn reeaghyn Yudah, feohdoil myr yn ynnyd Tophet, kyndagh rish ooilley ny thieyn er y vullagh oc t’ad er lostey oural-incense da slane armee yn aer, as er gheayrtey magh chebballyn-feeyney da jeeghyn joarree.

Noo Mian 10:27

Shen ta mish dy insh diu ayns folliaght, fockle-jee shiuish magh eh dy foshlit: as shen ta shiu er chlashtyn myr hannish voym’s, jean-jee y phreacheil er mullagh ny dhieyn.

Noo Mian 24:17

Eshyn t’er mullagh y thie, ny lhig da cheet neose dy ghoaill mârish nhee erbee ass e hie:

Noo Mark 2:4

As tra nagh dod ad cheet er-gerrey da kyndagh rish y chennid, rooisht ad kione y thie raad v’eh: as erreish daue v’er vosley stiagh ny hrooid, lhig ad sheese y lhiabbee ayn va’n palsee-doghanit ny lhie.

Deuteronomy 22:8

Tra t’ou troggal thie noa, eisht nee oo voalley rish oirr mooie y chione, nagh dayrn oo fuill er dty hie, my nee dooinney erbee tuittym jeh.

1 Samuel 9:25

As tra v’ad er jeet neose veih’n ard-ynnyd gys yn ard-valley, va glare eddyr Samuel as Saul ayns ard-shamyr y thie.