Noo Luke 5:14 - Yn Vible Casherick 1775 1819

¹⁴ As hug eh currym er gyn eh dy insh shoh da dooinney erbee: agh immee, as jeeagh oo hene da’n taggyrt, as cheb son dty ghlenney, myr ta Moses er harey, dy ve son feanish daue.

Yn Conaant Noa 1810

¹⁴ As hug eh currym er gyn eh dy insh shoh da dooinney erbee: agh immee, as jeeagh oo hene da’n taggyrt as cheb son dty ghlenney, myr ta Moses er harey, dy ve son feanish daue.

Noo Luke 5:14 ပူးပေါင်းရင်းမြစ်များ

Leviticus 13:2

Tra vees ec dooinney ayns crackan yn eill echey att, screb, ny cron sollys, as shen dy ve ayns crackan yn eill echey, goll-rish y doghan dy louraanys; eisht bee eh er ny chur lesh gys Aaron y saggyrt, ny gys fer jeh e vec ny saggyrtyn.

Leviticus 13:49

As my vees y spot geayney ny jiarg ayns y gharmad, ny ’sy chrackan, edyr ayns y ghloo, ny ’syn innagh, ny ayns stoo erbee dy chrackan; she doghan y louraanys t’ayn, as bee eh er ny yeeaghyn da’n taggyrt.

Noo Mian 10:18

As bee shiu er nyn goyrt fenish kiannoortyn as reeaghyn er y choontey aym’s, myr shoh gymmyrkey feanish dauesyn, as da ny Ashoonee.

Noo Mian 12:16

As hug eh currym daue, gyn ad dy vrah eh:

Noo Mian 8:4

As dooyrt Yeesey rish, Jeeagh nagh n’insh oo shoh da dooinney erbee, agh immee royd, as jeeagh oo hene da’n taggyrt, as cheb yn oural doardee Moses son feanish daue.

Noo Mian 9:30

As va ny sooillyn oc er nyn vosley, as hug Yeesey currym gyere orroo, gra, Jeeagh-jee nagh vow dooinney erbee fys er.

Noo Mark 1:44

As dooyrt eh rish, Jeeagh nagh loayr oo veg rish dooinney erbee: agh immee royd, jeeagh oo hene da’n taggyrt, as cheb son dty ghlenney shen doardee Moses son cowrey daue.

Noo Mark 6:11

As quoi-erbee nagh jean goaill riu, ny geill y choyrt da ny goan eu, tra vees shiu goll reue, crie-jee yn joan ta fo ny cassyn eu, son feanish nyn ’oï. Dy firrinagh ta mee gra riu, Dy bee eh ny sassey son Sodom as Gomorrah ec laa ny briwnys, na son yn ard-valley shen.

Noo Luke 17:14

As tra v’eh er yeeaghyn orroo, dooyrt eh roo, Immee-jee as jeeagh-jee shiu hene da ny saggyrtyn. As haink eh gy-kione, myr v’ad goll, dy row ad er nyn ghlenney.

Noo Luke 5:13

As heeyn eh magh e laue, as venn eh rish, gra, M’aigney’s eh; bee er dty ghlenney. As chelleeragh daag y louraanys eh.

Noo Luke 9:5

As quoi-erbee nagh jean goaill riu, tra aagys shiu yn ard-valley shen, crie-jee yn eer joan jeh ny cassyn eu, son feanish nyn ’oï.