Noo Luke 5:13 - Yn Vible Casherick 1775 1819

¹³ As heeyn eh magh e laue, as venn eh rish, gra, M’aigney’s eh; bee er dty ghlenney. As chelleeragh daag y louraanys eh.

Yn Conaant Noa 1810

¹³ As heeyn eh magh e laue, as venn eh rish, gra, M’aigney’s eh; bee er dty ghlenney. As chelleeragh daag y louraneys eh.

Noo Luke 5:13 ပူးပေါင်းရင်းမြစ်များ

Genesis 1:3

As dooyrt Jee, Lhig da soilshey ’ve ayn: as va soilshey ayn.

Genesis 1:9

As dooyrt Jee, Lhig da ny ushtaghyn fo yn aer ve er nyn jaglym cooidjagh gys un voayl, as lhig da’n thalloo chirrym cheet rish; as shen myr ve.

2 Reeaghyn 5:10

As hug Elisha chaghter huggey, gra, Gow as niee ayns Jordan shiaght keayrtyn, myr shen hig dt’eill dy ve myr ve roïe, as bee oo glen.

2 Reeaghyn 5:14

Eisht hie eh sheese, as ren eh thummey eh-hene shiaght keayrtyn ayns Jordan, cordail rish raa’n dooinney dy Yee: as haink yn eill echey dy ve reesht myr feill lhiannoo aeg, as v’eh glen.

Psalmyn 33:9

Son loayr eh, as ve jeant: hug eh sarey, as hass eh shickyr.

Ezekiel 36:29

As neem’s myrgeddin livrey shiu veih ooilley loght nyn neu-ghlennid, as ver-yms sarey da’n arroo dy ve er ny vishaghey, as cha jean-ym shiu y smaghtaghey lesh gortey.

Hosea 14:4

Neem’s lhiasaghey nyn loghtyn, ver-ym graih daue dy arryltagh: son ta my chorree er ny hyndaa ersooyl voish.

Noo Mian 8:3

As heeyn Yeesey magh e laue, as venn eh rish, gra, My aigney’s eh, bee er dty ghlenney. As chelleeragh va’n louraanys echey er ny ghlenney.

Noo Luke 4:39

As hass eh er-e-skyn, as hug eh oghsan da’n chiassaghey, as daag eh ee. As chelleeragh dirree ee seose, as ren ee shirveish orroo.

Noo Luke 5:12

As haink eh gy-kione, tra v’eh ayns ard-valley dy row, cur-my-ner, dooinney lane jeh’n louraanys: as tra honnick eh Yeesey, huitt eh sheese er e eddin, jannoo aghin huggey as gra, Hiarn, my she dty aigney eh, foddee oo mish y yannoo glen.

Noo Luke 5:14

As hug eh currym er gyn eh dy insh shoh da dooinney erbee: agh immee, as jeeagh oo hene da’n taggyrt, as cheb son dty ghlenney, myr ta Moses er harey, dy ve son feanish daue.