Noo Luke 4:8 - Yn Vible Casherick 1775 1819

⁸ As dreggyr Yeesey as dooyrt eh rish, Ass my enish oo, Noid-ny-hanmey: son te scruit, Ver oo ooashley da’n Chiarn dty Yee, as eshyn ynrycan nee oo y hirveish.

Yn Conaant Noa 1810

⁸ As dreggyr Yeesey as dooyrt eh rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo y hirveish.

Noo Luke 4:8 ပူးပေါင်းရင်းမြစ်များ

2 Reeaghyn 19:15

As ghow Hezekiah padjer kiongoyrt rish y Chiarn, as dooyrt eh, O Hiarn Yee Israel, ta cummal eddyr ny cherubim, she uss yn Jee, eer uss dty-lomarcan, jeh ooilley reeriaghtyn ny hooirey; uss chroo niau as thalloo.

Psalmyn 83:18

As bee fys oc, dy nee uss ta’n ennym ayd Jehovah: yn ynrycan Er smoo syrjey harrish ooilley yn seihll.

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Noo Mian 16:23

Agh hyndaa eshyn, as dooyrt eh rish Peddyr, Ass my enish, y violeyder, t’ou cur ribbey ayns my raad: son cha vel ennaghtyn ayd jeh ny reddyn ta bentyn rish Jee, agh jeh ny reddyn ta bentyn rish deiney.

Noo Mian 4:10

Eisht dooyrt Yeesey rish, Ass my enish oo, Noid-ny-hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Luke 4:4

As dreggyr Yeesey eh, gra, Te scruit, Nagh nee er arran ny-lomarcan nee dooinney beaghey, agh liorish ooilley goan Yee.

Noo Luke 4:7

My ver oo er-y-fa shen ooashley dou, bee ooilley lhiat hene.

Deuteronomy 10:20

Nee oo aggle y ghoaill roish y Chiarn dty Yee, eshyn nee oo y hirveish, as huggeysyn nee oo lhiantyn, as loo liorish e ennym.

Deuteronomy 6:13

Nee oo aggle y ghoaill roish y Chiarn dty Yee, as shirveish eh, as nee oo loo liorish e ennym.

Jamys 4:7

Jean-jee shiu hene y injillaghey er-y-fa shen gys Jee; shass-jee seose noi’n drogh-spyrryd, as ver eh cooyl diu:

1 Peddyr 5:9

N’oï shass-jee dy shickyr ayns y chredjue; myr ta toiggal eu dy vel ny seaghyn cheddin er ny ymmyrkey liorish ny braaraghyn eu t’ayns y theihll.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.

Ashlish 22:9

Eisht dooyrt eh rhym, Jeeagh nagh jean oo: son ta mish dty heshey-harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.

1 Samuel 7:3

As loayr Samuel rish ooilley thie Israel, gra, My ta shiu chyndaa gys y Chiarn lesh ooilley nyn gree, eisht cur-jee ersooyl ny jeeghyn joarree as Ashtaroth veih ny mast’ eu, as soie-jee nyn greeaghyn dy hirveish y Chiarn ny-lomarcan: as nee eh shiu y livrey ass laue ny Philistinee.