Noo Luke 4:2 - Yn Vible Casherick 1775 1819

² As v’eh da-eed laa er ny violaghey liorish y drogh-spyrryd, as ayns ny laghyn shen, cha d’ee eh veg; as tra v’ad harrish, v’eh ny lurg shen accryssagh.

Yn Conaant Noa 1810

² As v’eh da‐eed laa er ny violaghey liorish y drogh‐spyrryd, as ayns ny laghyn shen, cha d’ee eh veg; as tra v’ad harrish, v’eh ny lurg shen accryssagh.

Noo Luke 4:2 ပူးပေါင်းရင်းမြစ်များ

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

1 Reeaghyn 19:8

As dirree eh, as ren eh gee as giu, as ren eh troailt er niart yn veaghey shen da-eed laa as da-eed oie, gys Horeb cronk Yee.

Esther 4:16

Immee as chaggil cooidjagh ooilley ny Hewnyn t’ayns Shushan, as trosht-jee er my hon’s, as ny jean-jee gee ny giu son three laa, oie ny laa: neem’s as my vraane aegey myrgeddin trostey, as eisht hem stiagh gys y ree, red nagh vel cordail rish y leigh: as my ta mee kiarit son cherraghtyn, lhig dou cherraghtyn.

Exodus 24:18

As hie Moses stiagh ayns mean y vodjal, as hie eh seose er y clieau: as va Moses er y clieau da-eed laa, as da-eed oie.

Exodus 34:28

As v’eh ayns shen marish y Chiarn da-eed laa as da-eed oie: cha ren eh gee arran, ny giu ushtey; as scrieu eh er ny buird focklyn y chonaant, ny jeih annaghyn.

Jonah 3:7

As doardee eh eam dy v’er ny ockley magh, as er ny hoilshaghey trooid Nineveh (liorish sarey yn ree as e gheiney ooasle) gra, Ny lhig da dooinney ny baagh, shelloo ny shioltane blaystyn nhee erbee; ny lhig daue goaill beaghey, ny giu ushtey.

Noo Mian 21:18

Nish ayns y voghrey, myr v’eh goll reesht gys yn ard-valley, v’eh accryssagh.

Noo Mian 4:2

As tra v’eh er drostey da-eed laa as da-eed oie v’eh ny lurg shen accryssagh.

Noo Luke 4:3

As dooyrt y drogh-spyrryd rish, My she Mac Yee oo, abbyr rish yn chlagh shoh dy ve jeant ny arran.

Noo Ean 4:6

Nish va chibbyr Yacob ayns shen. Myr va Yeesey er-y-fa shen skee lesh e yurnah, hoie eh sheese ayns shen liorish y chibbyr: as ve mysh y cheyoo oor.

Deuteronomy 9:18

As huitt mee sheese kiongoyrt rish y Chiarn, myr ren mee roïe, rish da-eed laa as da-eed oie; cha d’ee mee arran ny cha diu mee ushtey, kyndagh rish ooilley ny peccaghyn ren shiuish dy mee-arrymagh ayns shilley yn Chiarn, dy vrasnaghey e chorree.

Deuteronomy 9:25

Er shoh ve, dy huitt mee sheese kiongoyrt rish y Chiarn rish da-eed laa as da-eed oie; myr huitt mee sheese yn chied cheayrt: son dy row yn Chiarn er ghra, dy jinnagh eh shiu y stroie.

Deuteronomy 9:9

Tra va mee er n’gholl seose er y chronk, dy gheddyn ny buird chloaie, eer buird y chonaant, ren y Chiarn riu, chum mee ’sy chronk da-eed laa as da-eed oie, cha d’ee mee arran, ny cha diu mee ushtey:

Hebrewnee 2:18

Son myr v’eh hene er ny phrowal liorish surranse, t’eh pooaral dy niartaghey lhieusyn t’er nyn browal [lesh seaghyn.]

Hebrewnee 4:15

Son cha vel ain ard-saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.

1 Samuel 17:16

As hayrn y Philistine er-gerrey moghrey as fastyr, as yeeagh eh eh-hene daue son da-eed laa.