Noo Luke 3:7 - Yn Vible Casherick 1775 1819

⁷ Eisht dooyrt eh rish y pobble v’er jeet magh huggey dy ve er nyn mashtey, O shiuish heeloghe dy ard-nieughyn, quoi t’er chur raaue diu dy hea veih yn jymmoose ta ry-heet?

Yn Conaant Noa 1810

⁷ Eisht dooyrt eh rish y pobble v’er jeet magh huggey dy ve er nyn mashtey, O shiuish heeloghe dy ard‐nieughyn, quoi t’er chur raaue diu dy hea veih yn jymmoose ta ry heet?

Noo Luke 3:7 ပူးပေါင်းရင်းမြစ်များ

Genesis 3:15

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Isaiah 59:5

T’ad guirr oohyn yn chockatrice, as fee feegan y doo-oallee; te baase dauesyn ta gee ny oohyn oc, as veih’n ooh brisht ta ard-nieu brishey magh.

Noo Mian 12:34

O shiuish heeloghe dy ard-nieughyn, kys oddys shiuish ta olk shiu hene, reddyn mie y loayrt? son ass laanid y chree ta’n beeal loayrt.

Noo Mian 23:33

Shiuish ard-nieughyn, sheeloghe dy ard-nieughyn, kys oddys shiu kerraghey niurin y scapail?

Noo Mian 3:6

As goaill-rish nyn beccaghyn v’ad er nyn mashtey liorish ayns Jordan.

Noo Ean 8:44

Ta shiuish jeh’n ayr eu yn drogh-spyrryd, as saynt nyn ayrey ver shiu rish: v’eshyn ny ghunver er-dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Jannoo 13:10

As dooyrt eh, O uss ta lane jeh dy chooilley chialgeyrys as dy olkys, vac Noid-ny-hanmey, noid dy chooilley chairys, nagh n’aag oo jeh dy chassey raaidyn jeeragh y Chiarn?

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

1 Ean 3:8

Eshyn ta jannoo peccah, t’eh jeh’n drogh-spyrryd; son ta’n drogh-spyrryd kyndagh jeh peccah er-dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh-spyrryd.