Noo Luke 3:13 - Yn Vible Casherick 1775 1819

¹³ As dooyrt eh roo, Ny trog-jee ny smoo na ta er nyn gurrym.

Yn Conaant Noa 1810

¹³ As dooyrt eh roo, Ny trog‐jee ny smoo na ta er nyn gurrym.

Noo Luke 3:13 ပူးပေါင်းရင်းမြစ်များ

Psalmyn 18:23

Va mish kinjagh gyn loght kiongoyrt rishyn: as hug mee cooyl rish m’olkys hene.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Noo Luke 19:8

As hass Zaccheus magh, as dooyrt eh rish y Chiarn, Cur-my-ner, Hiarn, yn derrey lieh jeh my chooid ta mee dy choyrt da ny boghtyn: as my ta mee er ghoaill red erbee dy molteyragh veih dooinney erbee, ta mee jannoo lhiassaghey kiare-filley da.

Noo Luke 3:12

Eisht haink myrgeddin ny publicanee dy ve er nyn mashtey, as dooyrt ad rish, Vainshter, cre ta orrinyn dy yannoo?

Noo Luke 3:14

As dênee ny sidooryn myrgeddin jeh, gra, As cre ta orrinyn dy yannoo? As dooyrt eh roo, Ny jean-jee tranlaase er dooinney erbee, ny jean-jee cassid vreagagh er dooinney erbee, as bee-jee booiagh lesh nyn vaill.

1 Corinthianee 6:10

Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

Ephesianee 4:28

Lhig dasyn ren geid, gyn geid arragh; agh ny sleaie lhig da laboragh, gobbraghey lesh e laueyn shen ny ta mie, dy vod ve echey dy choyrt da’n ymmyrchagh.

Hebrewnee 12:1

Shen-y-fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,